"Metallurg" - "Paxtakor". Uchrashuv prevyusi
/ Kiritdi: BestMaster O'qilgan: 739
9 sentyabr kuni "Paxtakor" oliy liganing 20-turida Bekobodda "Metallurg"ga qarshi maydonga tushadi.
Mazkur uchrashuvda mezbonlarning uch nafar futbolchisi diskvalifikaciya tufayli o'ynay olmaydi. Murod Toshmatov, Alisher Ziyovuddinov va Mirg'iyoz Sulaymonov sariq kartochkalari sababli bellashuvni o'tkazib yuboradi. Jamoamizda bunday yo'qotishlar mavjud emas.
Oliy ligada jamoalar hozirga qadar 39 bor to'qnash kelishgan. 31 uchrashuvda zafar quchgan "Paxtakor" 4 marta durang o'ynagan va 4 bor imkoniyatni boy bergan. Raqib darvozasi 101 marta ishg'ol qilinib, 31 to'p o'tkazib yuborilgan.
O'yinni Vadim Agishev boshqarib boradi. Unga Timur Galeev va Akbar Po'latov yordam beradi. Agishev ishlagan bellashuvlarda jamoamiz joriy mavsum "So'g'diyona" va "Buxoro" ustidan g'alaba qozongan.
"METALLURG" - "PAXTAKOR"
Hakamlar: Vadim Agishev (Toshkent), Timur Galeev (Toshkent), Akbar Po'latov (Toshkent), Rustam Lutfulin (Toshkent).
Nazoratchi: Sardor Najafaliev (Toshkent).
PFL vakili: Ahrol Inoyatov.
Yoshlar tarkiblari o'yini 8 sentyabr, juma kuni 16:30da boshlanadi. Asosiy jamoalar uchrashuvi 9 sentyabr, shanba kuni Bekoboddagi "Metallurg" stadionida 16:30da start oladi.
Bosh sahifaga
1099