Ilhom Mo'minjonov: "Mag'lubiyatda murabbiy aybdor"

- Mag'lubiyatda murabbiy aybdor bo'ladi. O'ylaymanki, yigitlar yaxshi o'yin namoyish etishdi. Ikkita xavfli vaziyatlarni golga aylantira olmadik. "Mashal"ning 90-raqamli o'yinchisi (Zafar To'raev) men uchun uchrashuvdagi eng yaxshi hujumchi bo'ldi. U yaratilgan imkoniyatdan foydalanib, darvozamizga gol urishga muvaffaq bo'ldi. Nima bo'lgan taqdirda ham shogirdlarimga bugungi o'yin uchun raxmat aytaman. Bellashuv yakunlanishiga 10 daqiqa qolganida Sardor Azimovga nisbatan muborakliklar o'z jarima maydonida yaqqol qoida buzishgandi. Bu vaziyatda hakam 100 foiz penalti belgilashi kerak edi. Ammo bu uning xatosi bo'ldi.

SHuningdek darvozamizga ham noto'g'ri penalti belgilandi. Mazkur xolatda futbolchimiz to'pga qo'li bilan teginmagandi. Aksincha to'p o'yinchining yuziga tekkan. Xatto futbolchining yuzi qonab ketgan. To'g'ri, barcha xato qilib turadi... "Mashal"da shiddat borligi ham ko'zga tashlandi. Lekin biz ham bu o'yinga jiddiy tayyorgarlik ko'rgan edik. Xayot davom etadi. Navbatdagi uchrashuvlarga puxta tayyorlanamiz. Oldimizga klub rahbariyati o'tgan yilgi natijaga qaraganda yuqoriroq o'rinlarni egallashni vazifa etib belgilagan. Maqsadimiz - kuchli oltitalikka kirish. Ikkinchi davrada 4 turdan so'ng ilk mag'lubiyatni tan oldik. Qolgan turlarda yorqin g'alabalar bilan muxlislarni o'yingohga chorlashga harakat qilamiz.

Ro'zimboy Ahmedov uchta o'yinda maydonga tushib, uchta gol urdi. Biroq, unda kichik jaroxat borligi tufayli u bugun zaxirada qoldirildi. O'ylaymanki, u bugun taqdim etilgan 30 daqiqalik imkoniyatda yaxshi taassurot qoldirdi. U burni singan bo'lishiga qaramay baxs so'nggigacha o'ynadi. Buning uchun unga tashakkur aytaman. Abbos Maxstalievda ham jaroxat borligi bois zaxirada qoldi. U asta-sekin jismoniy holatini tiklab bormoqda.