Igor SHkvirin: "Jamoadagi futbolchilarni men taklif qilmaganman"

 O'yindan so'ng "So'g'diyona" bosh murabbiyi Igor SHkvirin matbuot anjumaniga qatnashdi va o'yin borasida o'z fikrlarini bildirdi.

- Biz raqib jamoa o'yinlarini kuzatgan edik. Har bir jihatini o'rgandik va bo'lajak o'yinga reja tuzdik. Natijada bu reja o'z o'zidan o'yinda samara berdi. O'z xatolarimiz tufayli 2 ta golni o'tkazib yubordik. Futbolchilar o'yinda  pressing qo'llab, natijada yana 2 ta gol ham urishga muvaffaq bo'ldi.  O'yindan qoniqdim. Ammo sifati ustida hali ishlash kerak. Jamoani ikkinchi davra boshlanishidan 2 kun oldin qabul qilib olgan edim. Jamoadagi futbolchilarni men taklif qilmaganman. Bu arz qilish yoki boshqa emas shunchaki fakt. Ishlashda davom etamiz. Jamoa oliy ligada jon saqlab qolish emas,balki mazmunli o'yinlarni ko'rsatishini maqsad qilganman. To'xtab qolmaymiz. Ishlashda davom etamiz va muxlislarni xursand qilamiz degan umiddaman.

"So'g'diyona" matbuot xizmati