Futzal. O'zbekiston terma jamoasi yig'inni davom ettirmoqda + FOTO
/ Kiritdi: BestMaster O'qilgan: 815
SHu yilning sentyabr oyida Turkmanistonda Yopiq inshootlardagi Osiyo o'yinlari bo'lib o'tadi.
Hisob bo'yicha beshinchi Osiyo o'yinlarining futzal bellashuvlarida O'zbekiston terma jamoasi ham ishtirok etadi.
Ayni paytda Bahodir Ahmedov boshchiligidagi terma jamoamiz yig'inni davom ettirmoqda. Mashg'ulotlar kuniga ikki mahaldan olib borilmoqda. Ertalabki mashg'ulot 10:00da, kechqurungisi esa 17:00da "O'zbekiston" sport majmuasida bo'lib o'tmoqda. Tayyorgarlik jarayonida asosiy etibor to'p bilan ishlash, o'yin payti yuzaga keladigan vaziyatlar va standart vaziyatlar ustida ishlashga qaratilmoqda. Hozircha, mashg'ulotlarda 16 nafar o'yinchi ishtirok etmoqda. Yakunda ulardan 14 nafari Ashxobodga yo'l oladi. Bahodir Ahmedov tez orada yakuniy tarkibni elon qiladi.
O'zbekiston terma jamoasi mashg'ulotlarida ishtirok etayotgan futzalchilar:
Darvozabonlar: Rustam Umarov, Akmal Xazratqulov.
O'yinchilar: Mashrab Odilov, Anasxon Rahmatov, Feruz Faxriddinov, Ilhom Hamroev, Dilshod Rahmatov, Farhod Abdumavlonov, Davron Abdurahmonov, Davron CHoriev, Artur Yunusov, Alan Aminov, Konstantin Sviridov, Timur Sadirov, Husniddin Nishonov, Ixtiyor Ropiev.
Eslatib o'tamiz, Bahodir Ahmedov boshchiligidagi O'zbekiston milliy terma jamoasi Ashxoboddagi turnirda Xitoy, Afg'oniston, BAA va Maldiv terma jamoalariga qarshi "B" guruhida bahs olib boradi.
O'zbekiston terma jamoasi 1-turni 18 sentyabrda BAAga qarshi o'tkazadi.
Bosh sahifaga
1032