O'zbekiston U-16 termasi “Qozog'iston prezidenti kubogi”da 3000 AQSH dollari ishlab topdi

2017-09-09 08:10:01 / Kiritdi: BestMaster O'qilgan: 835

Qozog'istonning Talgar shahrida 2001 yilda tavallud topgan futbolchilar o'rtasida “Qozog'iston prezidenti kubogi” turniri o'z nihoyasiga etdi.

Bugun, 8 sentyabr kuni Dilshod Nuraliev bosh murabbiyligidagi O'zbekiston o'smirlar termasi Qozog'istonga qarshi uchinchi o'rin uchun bahs olib borib, 4:1 hisobida zafar quchdi va musobaqaning bronza medallarini qo'lga kiritdi. SHuningdek, jamoa 3000 AQSH dollari miqdorida mukofot puli bilan ham taqdirlandi.

Musobaqaning final bellashuvida Rossiya va Gruziya o'smirlari o'zaro kurash olib bordi. Asosiy vaqtda 1:1 hisobi qayd etildi, penaltilar seriyasida esa omad rossiyaliklar tomonida bo'ldi – 5:4.

O'zbekiston o'smirlar terma jamoasi azosi Ruslan Roziev musobaqaning eng yaxshi hujumchisi deb topildi va unga maxsus sovrin topishirldi.

Eslatib o'tamiz, Dilshod Nuraliev shogirdlari turnir davomida Rossiyaga 0:2 hisobida engilgan bo'lsa, keyinroq Tojikiston o'smirlari 3:1 hisobida taslim etilgandi. Yana bir o'yinda O'zbekiston U-16 termasi Qozog'iston-2 jamoasi bilan 2:2 hisobida durang o'ynagandi.

“Qozog'iston prezidenti kubogi”
Talgar, Qozog'iston
8 sentyabr, juma

3-o'rin uchun. Qozog'iston – O'ZBEKISTON 1:4

FINAL. Rossiya – Gruziya 1:1 (penaltilar seriyasi – 5:4)

Teglar: ozbekiston, u-16, termasi, “qozogiston, prezidenti, kubogi”da, 3000, aqsh, dollari, ishlab, topdi,
← Oldinga Orqaga →