Gvardiolaning "qimmatbaho" jamoasi Kloppning "yuguradigan" bollariga qarshi. Prevyu

Quyida turning markaziy bahsi hisoblangan "Manchester Siti" hamda "Liverpul" jamoalari o'rtasidagi o'yinga bag'ishlangan prevyuni etiboringizga havola etamiz.

APL, 4-tur
"Manchester Siti" – "Liverpul"
09.09.2017, 16:30
"Etixad stedium"
Bosh hakam: Jonatan Moss (Yorkshir).

APLning dastlabki 3 turida har ikki jamoa ham 7 ochkodan jamg'ardi. G'alaba qozongan klub MYU o'z o'yinini o'tkazmaguncha turnir jadvalida birinchi pog'onaga ko'tariladi. Mezbonlar tarkibida Kompani maydonga tusha olmaydi, mehmonlarda esa Koutino qaydnomaga kiritilmagan.

Gvardiola ham, Klopp ham hujumkor futbolni yaxshi ko'rishini inobatga olsak, bugungi o'yin chiroyli va gollarga boy o'tishini taxmin qilish mumkin.

Taxminiy tarkiblar:

"Manchester Siti": Ederson – Uoker, Stounz, Otamendi, Mendi – Fernandino – Sane, D. Silva, De Bryuyne – Jezus, Aguero.

"Liverpul": Minole – Arnold, Lovren, Matip, Robertson – Jan, Xenderson, Veynaldum – Mane, Firmino, Salax.

O'ynamaydi: Sterling – Lallana, Bogdan, Klayn, Ingz, Koutino.
So'roq ostida: Gyundogan, Kompani - …

Qiziq:

- "Manchester Siti" APLda "Liverpul"ga qarshi oxirgi 8ta uy uchrashuvidan faqat bittasida yutqazgan (4 g'alaba, 3 durang, 1 mag'lubiyat);
- "Manchester Siti" APLda oxirgi 23ta uy uchrashuvidan bor yo'g'i bittasida imkoniyatni boy bergan (13 g'alaba, 9 durang, 1 mag'lubiyat);
- Serxio Aguero "Liverpul"ga qarshi Premer-liga doirasidagi so'nggi beshta uchrashuvning har birida gol urgan.

Murabbiylar fikrlari:

Xosep Gvardiola ("Manchester Siti"): "Liverpul"ga qarshi bahs qanchalik qiyin o'tishini tushunaman. Ular hamisha chempionlikka davogar bo'lib kelishgan va shundayligicha qoladi. "Liverpul" va "Manchester Yunayted" Angliya va Evropadagi eng omadli jamoalardan hisoblanadi".

Yurgen Klopp ("Liverpul"): "Biz "Manchester Siti"ga o'zlari o'rgangan futbolni o'ynashga imkon bermasligimiz kerak. Bu amalga oshirishimizga to'g'ri keladi. Bu "Siti" uchun oddiy o'yin bo'lmaydi. Biz ko'p himoyalanishimizga to'g'ri keladi. Har ikki klub qarshi hujumda juda kuchli".


Angliya Premer-ligasi turnir jadvali >>> APL