Mourino: "Faoliyatimda Matichdan ko'ra yaxshiroq yigitlarni uchratmaganman"

"Faoliyatim davomida Matichdan yaxshiroq yigitlar uchragan deya olmayman. "CHelsi"da ishlaganimda, uni ikkinchi bo'lim boshida maydonga tushirdim, ammo keyin uni 70 yoki 75 daqiqada almashtirishga to'g'ri keldi, Neymanya esa bundan xafa bo'ldi.

Menga ham alam qilardi, chunki vaziyat juda chiroyli bo'lmagan va bunaqasini murabbiylik faoliyatim davomida 2 marta bajarganman. Keyingi kun Matich oldimga kelib shunday dedi: "O'zgartirishdan xafaman, ammo bu mening aybim, juda yomon o'ynadim va qaroringizni tushunaman. Olg'a harakat qilamiz". To'g'ri, uzoq harakat qilmadik, chunki meni bir necha haftadan so'ng haydab yuborishdi" - deydi Mourino.