Effenberg: “Bavariya” rahbariyatiga Levandovskini sotishni tavsiya etaman

Levandovski o'tgan haftada Myunxen klubi “PSJ” va “Barselona” singari  katta summadagi xaridlarni amalga oshira olmasligini tanqid qilib chiqqandi.

“Levandovski klub falsafasiga “hujum” qilmoqda. Jamoa prezidenti Uli Xyoness yangi futbolchilar uchun 100-150 million evro sarflamasligini bir necha bor aytgan. Men o'zim ham bir necha hafta ilgari “Bavariya” agar katta mablag' evaziga top futbochli sotib olmasa, “Barselona” va “PSJ” singari klublardan ortda qolishini aytganman. Ammo Levandovski futbolchi, u bu kabi bayonotlarni berishidan ilgari yaxshilab o'ylab ko'rishi, bu klubdagilarga qanchalik tasir qilishini bilishi lozim.

Bizda, o'zimizda super yulduzlar bor. Yulduzlar uchun 100-200 million evro sarflash kerakmi? Buncha mablag'ga besh yoki oltita yaxshi saviyadagi germaniyalik futbolchilarni sotib olish mumkin. Ular  o'z yurtining jamoasida qanday o'ynash kerakligini bilishadi va kelajakda xalqaro maydonda ham muvaffaqiyatlarga erisha oladi.

“Bavariya”ga yaqin kelajakda chet ellik top futbolchilarni sotib olmasdan, Levandovski bilan xam xayrlashishni tavsiya qilaman. Mayli u “Barselona” yoki “PSJ”ga o'tsin. O'shanda u o'zi xohlagan ishni qiladigan klubga o'tib, istaganini gapiraversin”, deya aytib o'tgan Effenberg T-Online nashridagi o'z sahifasida.