“Lokomotiv” “Nasaf” maydoniga safar uyushtiradi

Unda mamlakatimizning amaldagi chempioni – “Lokomotiv” “Nasaf” jamoasi mehmoni bo'ladi.

Mazkur qarama-qarshilikni tajribali referi – Ilgiz Tantashev boshchiligidagi hakamlar guruhi boshqarib boradi. O'yin Qarshidagi “Markaziy” arenada soat 18:45da start oladi.

Takidlash joizki, “Lokomotiv” “Nasaf”ga qarshi milliy chempionatimiz doirasida shu paytga qadar 25ta uchrashuv o'tkazgan. O'yinlarning 8tasida “temiryo'lchilar”, 12tasida esa “ajdarlar” g'alabaga erishgan. Yana 5ta bellashuvda durang natija qayd etilgan.

Ushbu ikki jamoa o'rtasidagi qarama-qarshilik doimo muxlis-u mutaxassislar diqqat markazida bo'lib kelgan. Qayd etish joizki, jamoalarning so'nggi 10ta o'yinida “Loko” 7 bor zafar quchgan. 2 marta “Nasaf” g'alabaga erishgan va bir marta jamoalar murosa ko'chasini tanlashgan.

“Lokomotiv” ushbu jamoaga qarshi uchrashuvlardagi eng yirik hisobdagi g'alabasiga 2014 yilda Qarshida erishgan. Qiziqarli va gollarga boy tarzda o'tgan matchda “Loko” futbolchilari safardan 5:2 hisobidagi g'alaba bilan qaytishgan.




Eslatib o'tamiz, jamoalarning birinchi davradagi Toshkentda o'tgan o'yinida “temiryo'lchilar” raqibdan 2:1 hisobida ustun kelishgandi.