Usmon Toshev: "O'yinni o'z nazoratimiz ostida olib bordik"
/ Kiritdi: BestMaster O'qilgan: 951
“Andijon” “Xorazm” maydonida uch ochkoni qo'lga kiritib o'z muxlislarini quvontirishda davom etyapti.
Urganchdagi bellashuvdan so'ng andijonliklar ustozi Usmon Toshev o'yin haqidagi taassurotlari bilan o'rtoqlashdi.
- Biz juda qiyin sharoitda o'ynadik. Maydonning sifati ham futbol o'ynash uchun etarli darajada talabga javob bermasdi. Lekin biz o'yinga yaxshi tayyorlangandik. Futbolchilarni ham uchrashuvga har tomonlama puxta tayyorlay oldik. Birinchi bo'limdan keyin 2:0 hisobida oldinda edik.
Umuman olganda, yomon o'ynamadik. SHunchaki, maydonning sifati o'yinimizga biroz tasir qildi. O'z darvozamizdan to'p o'tkazib yuborganimizdan keyin yigitlarimiz ozgina asabiylashishdi. Ammo hisob 1:2 bo'lgandan so'ng yigitlarimizda vahima kuzatilmadi. Ana endi hisob tenglashib qolishi mumkin degan xadik hech bir yigitimizda kuzatilmadi. O'yinni o'z nazoratimiz ostida olib bordik. Raqib darvozasiga uchinchi golni ham urishimiz mumkin edi.
Umuman, g'alaba qozonganimizdan xursandmiz. To'g'ri, xatolarimiz bor. Ammo muhimi o'yinimiz bor. Futbolchilarimizda ham o'ziga bo'lgan ishonch bor. Ayniqsa, ularning ruhiy holati juda yaxshi. Men o'ylaymanki, buning tasiri albatta “Orol” bilan uchrashuvda ham seziladi. Biroq Nukusdagi o'yin yanada qiyin bo'ladi. CHunki biz u erda suniy maydonda o'ynaymiz. Nima bo'lganda ham biz ushbu bellashuvga tayyorlanamiz, - deydi Toshev.
"Andijon" matbuot xizmati.
Bosh sahifaga
147