Bugun London ko'k rangga burkanadimi yoki qizil? Prevyu

Turning markaziy o'yini Toshkent vaqti bilan 17:30da start oladi. Unda Londonning ikki jamoasi "CHelsi" va "Arsenal" o'zaro bellashadi. SHuningdek, bugun turni yakunlab beruvchi bahsda "Manchester Yunayted" "Everton" bilan bellashadi. Quyida 110 yillik tarixga ega London derbisiga bag'ishlangan prevyuni etiboringizga havola etamiz.

APL, 5-tur
"CHelsi" – "Arsenal"
17.09.2017, 17:30
"Stemford Brij"
Bosh hakam: Maykl Oliver (Nortumberlend).

"CHelsi" dastlabki turda kutilmaganda "Bernli"ga mag'lub bo'lgach, darhol o'ziga kelib oldi. Ketma-ket g'alabalar va jamoa etakchilar orasida bormoqda. Hafta o'rtasida ECHL doirasida "Qorabog'" ustidan qozonilgan yirik g'alaba (6:0) o'yinchilarga qo'shimcha ishonch bag'ishlagan.

"Arsenal" esa chempionatni yaxshi boshlay olmadi. Evropa ligasi doirasida "Kyoln"ni mag'lub etishi ham muxlislarni tinchlantirmagan bo'lsa ajab emas. Sababi, o'yin jihatidan jamoada muammolar bor. "Kanonirlar" "ko'klar"ga qarshi oxirgi ikkita o'yinda g'alaba qozonishgan, lekin tomonlarning hozirgi holatidan kelib chiqadigan bo'lsak mezbonlarning ustunligini taxmin qilish mumkin.




Qiziq:

- "CHelsi" Premer-liga doirasida "Arsenal"ga qarshi oxirgi 5ta uy o'yinida faqat g'alaba qozongan;
- Eden Azar "Arsenal"ga qarshi o'zining so'nggi 4 o'yinidan uchtasida gol urgan;
- Arsen Venger "CHelsi"ga qarshi 59chi o'yinini o'tkazadi. Bunday holatda, "aristokratlar" francuz mutaxassisi eng ko'p to'qnashgan raqibga aylanishadi.


Taxminiy tarkiblar:

"CHelsi": Kurtua – Aspilikueta, Luis, Kexill – Cappakosta, Bakayoko, Kante, Alonso – Pedro, Azar – Morata.

"Arsenal": CHex – Mustafi, Koselni, Monreal – Belerin, Jaka, Remsi, Kolashinac – Sanches, Ozil – Lakazett.

Murabbiylar fikrlari:

Antonio Konte ("CHelsi"): "Qachonki sen "Arsenal"ga qarshi o'ynasang bu og'ir o'yin bo'ladi. Hamma narsa bo'lishi mumkin. Biz principial raqibga qarshi munosib o'ynash uchun kurashishimiz kerak".

Arsen Venger ("Arsenal"): "Safarda kerakli ochkolarni olishimizga aminman. Lekin, bizning jamoa uchun ruhiy tomondan yaxshi o'ynash va qoniqarli natijaga erishish juda muhim".


Angliya Premer-ligasi turnir jadvali >>> APL