Yangilangan O'zbekiston terma jamoasini ilk jiddiy sinov kutmoqda

Hisob bo'yicha beshinchi Osiyo o'yinlarining futzal bellashuvlarida O'zbekiston terma jamoasi ham ishtirok etadi. "Ashxobod-2017"ning futzal bellashuvlari 16-26 sentyabr kunlari bo'lib o'tadi. Musobaqada Bahodir Ahmedov bosh murabbiyligidagi O'zbekiston terma jamoasi "B" guruhida Xitoy, Afg'oniston, BAA va Maldiv terma jamoalariga qarshi bahs olib boradi.

O'zbekiston terma jamoasining "Ashxobod-2017"ga yo'l olgan tarkibi:

#	Familiya va ism	Tug'ilgan sanasi	Ampluasi	Klubi
1	Umarov Rustam	26.05.1984	Darvozabon	Ardus
2	Xazratqulov Akmal	31.03.1990	Darvozabon	Do'stlik-AIN
3	Yunusov Artur	08.10.1987	O'yinchi	Olmaliq
4	Sviridov Konstantin	11.03.1988	O'yinchi	Olmaliq
5	Abdumavlonov Farhod	12.11.1987	O'yinchi	Olmaliq
6	Hamroev Ilhom	25.09.1997	O'yinchi	Ardus
7	CHoriev Davron	01.01.1993	O'yinchi	Ardus
8	Abdurahmonov Davron	19.11.1992	O'yinchi	Ardus
9	Faxriddinov Feruz	25.03.1991	O'yinchi	Do'stlik-AIN
10	Nishonov Husniddin	19.05.1998	O'yinchi	Nafis
11	Sadirov Timur	24.12.1990	O'yinchi	Ardus
12	Odilov Mashrab	15.08.1994	O'yinchi	Ardus
13	Rahmatov Anasxon	20.06.1994	O'yinchi	Ardus
14	Rahmatov Dilshod	04.12.1989	O'yinchi	Dalyan Puvan Anbo (Xitoy)

Musobaqada 17ta jamoa 4 guruhga bo'lingan holda kurash olib boradi. Ikkita guruhda beshtadan, bitta guruhda to'rtta va yana bir guruhdan uch jamoa o'rin oldi. Aslida, "C" guruhida ham 4 jamoa bor edi, ammo musobaqa oldidan Indoneziya terma jamoasi ishtirokidagi o'yinlar musobaqa rasmiy saytidagi taqvimdan olib tashlandi. O'z-o'zidan bu guruhda uchta jamoa qoldi. Guruhlarda birinchi va ikkinchi o'rinni egallagan jamoalar chorak finalga yo'l olishadi. 1/4 final g'oliblari yarim finalga chiqishadi. 1/2 finalda g'alaba qozonganlar finalda chempionlik uchun kurashsa, mag'lub bo'lgan ikki jamoa bronza medallari uchun o'zaro bellashadi.

"Ashxobod-2017" futzal bahslari qurasi
"A" guruhi

Turkmaniston
Vetnam
Xitoy Taypeyi
Gongkong
Solomon orollari

"B" guruhi

O'zbekiston
Xitoy
Afg'oniston
BAA
Maldiv

"C" guruhi

Tailand
Yaponiya
Livan

"D" guruhi

Eron
Qirg'iziston
Iordaniya
Taiti

"Ashxobod-2017" futzal bahslari taqvimi
1-tur, 16.09.2017
"A" guruhi

16:45. Xitoy Taypeyi - Vetnam 2:1
19:00. Solomon Orollari - Gongkong 4:1

"B" guruhi

16:45. Afg'oniston - Xitoy 6:1
19:00. Maldiv - BAA 1:3

18.09.2017
"C" guruhi

13:15. Yaponiya - Livan

"D" guruhi

11:00. Eron - Taiti
13:15. Qirg'iziston - Iordaniya

2-tur, 18.09.2017
"A" guruhi

16:45. Solomon orollari - Xitoy Taypeyi
19:00. Gongkong - Turkmaniston

"B" guruhi

16:45. Maldiv - Afg'oniston
19:00. BAA - O'zbekiston

19.09.2017
"C" guruhi

13:15. Livan - Tailand

"D" guruhi

11:00. Taiti - Qirg'iziston
13:15. Iordaniya - Eron

3-tur, 19.09.2017
"A" guruhi

16:45. Vetnam - Gongkong
19:00. Turkmaniston - Solomon orollari

"B" guruhi

16:45. Xitoy - BAA
19:00. O'zbekiston - Maldiv

21.09.2017
"C" guruhi

11:00. Tailand - Yaponiya

"D" guruhi

11:00. Eron - Qirg'iziston
13:15. Iordaniya - Taiti

4-tur, 20.09.2017
"A" guruhi

16:45. Vetnam - Solomon orollari
19:00. Xitoy Taypeyi - Turkmaniston

"B" guruhi

16:45. Xitoy - Maldiv
19:00. Afg'oniston - O'zbekiston

5-tur, 21.09.2017
"A" guruhi

16:45. Gongkong - Xitoy Taypeyi
19:00. Turkmaniston - Vetnam

"B" guruhi

16:45. BAA - Afg'oniston
19:00. O'zbekiston - Xitoy

CHorak final, 23.09.2017

Yarim final, 24.09.2017

Uchinchi o'rin uchun va Final, 26.09.2017

O'zbekiston terma jamoasi Ashxoboddagi musobaqaga 2 oydan ortiq tayyorlandi. Bahodir Ahmedov qo'l ostida jamoamiz Tojikistonda mezbonlarga qarshi ikkita o'rtoqlik o'yini o'tkazdi. 24-31 avgust kunlari Rossiyaning Ekaterinburg shahrida yig'in o'tkazib, "Viz-Sinara" va "Zik-Urfu" klublariga qarshi to'rtta o'rtoqlik o'yini o'tkazdi. Jamoada tarkib yoshartirildi. Yoshi katta futzalchilar o'rniga yosh futzalchilar terma jamoaga taklif etildi. Ashxoboddagi musobaqa yangilangan terma jamoa uchun ilk jiddiy sinov bo'ladi. "Ashxobod-2017"ning yana bir muhim jihati bu o'yinlar 2018 yilgi Osiyo chempionati saralashiga tayyorgarlik vazifasini ham o'taydi. Oktyabr va noyabr oylarida qita birinchiligiga saralash bahslari bo'lib o'tadi. SHu sabab, jamoalar Ashxobodga asosiy tarkibni olib kelishgan.

Ushbu musobaqada shu kungacha faqat Eron terma jamoasi g'alaba qozongan. O'zbekiston esa 3 bor bronza medalini qo'lga kiritgan. 2013 yil Janubiy Koreyada o'tkazilgan musobaqada esa vakillarimiz chorak finalda keyinchalik kumush medalini qo'lga kiritgan Yaponiyaga yutqazib qo'ygan. Terma jamoamizning ayni paytdagi bosh murabbiyi Bahodir Ahmedov Yopiq inshootlardagi Osiyo o'yinlarida 2005 va 2009 yillarda ikki bor o'yinchi sifatida uchinchi o'rinni qo'lga kiritgan.

Vakillarimiz "B" guruhidan joy olishgan. "B" guruhida birinchi o'rinni qo'lga kiritgan jamoa "A" guruhining ikkinchi jamoasiga, "B" guruhida ikkinchi pog'onani band etgan terma jamoa esa "A" guruhi g'olibiga qarshi chorak finalda bahs olib boradi.

SHu o'rinda terma jamoamiz vakillarining musobaqa oldi fikrlarini ham keltirib o'tamiz:

Bahodir Ahmedov (O'zbekiston MTJ bosh murabbiyi): "Ikki oydan ko'proq vaqt mobaynida ushbu musobaqaga tayyorgarlik ko'rdik. Bunda terma jamoaning sobiq bosh murabbiyi ispaniyalik Xose Mariya Pazos Mendezning taktikalaridan foydalandik. Himoyaviy va hujumkor taktikalarda Mendezning uslubini qo'llayapmiz, yani uning o'yin uslubini davom ettirmoqdamiz. Rossiyada o'tkazgan to'rtta o'rtoqlik o'yinimizda yangi tarkibdagi yigitlarni sinab ko'rdik, bunda natijaga emas o'yinni shakllantirishga asosiy etibor qaratdik.

Musobaqada oldimizga chempionlikni maqsad qilib qo'ydik".

Artur Yunusov (O'zbekiston MTJ sardori): "Jamoamiz yoshardi, yangi murabbiy keldi. Rossiyada o'rtoqlik uchrashuvlari o'tkazdik, unda yoshlarning harakatlari menga yoqdi. Oldimizga Ashxoboddagi musobaqada g'alaba qozonish maqsadi qo'yildi. So'nggi tayyorgarliklar Toshkentda olib borildi, mashg'ulotlarda taktika ustida ishladik.

Guruhda birinchi o'rinni olish kerak, shunda narigi guruhdagi ikkinchi o'rin bilan o'ynaymiz.

Yoshlardan Ilhom Hamroev, Davron CHoriev, Davron Abdurahmonov, Mashrab Odilov va Husniddin Nishonovlarning harakatlari yoqdi. Ular tajribali futzalchilarning o'rnini bosishadi deb o'ylayman. Ular Ashxobodda tajriba to'plashadi. Asosiy maqsadimiz Osiyo chempionatiga tayyorgarlik ko'rish.

U erda yaxshi o'ynashimiz kerak. Xitoyda ham bizdagi kabi yangi avlod keldi. Ularni mag'lub etishimiz shart. Afg'oniston murabbiylari musobaqaga qaysi futzalchilarni olib kelishlarini bilmayman. Ko'pchilik bu musobaqaga ikkinchi tarkibni olib kelishadi yoki yoshlarni. Maldivni ham umuman bilmayman, ularga qarshi hech qachon o'ynamaganman. BAAda adashmayotgan bo'lsam murabbiy o'zgardi, tarkibida legionerlar ham bor. Aytganimdek, ko'p jamoalar u erga yoshlarni olib borishadi. SHu orqali Osiyo chempionatiga tayyorgarlik ko'rishadi.

Muxlislardan bizni qo'llab turishlarini so'rab qolardim".

Tolibjon Qosimov