Mirjalol Qosimov: "Omad biz tomonda bo'ldi"

- Mirjalol aka, g'alaba bilan tabriklaymiz. Avvalo o'yin borasida to'xtalsangiz…

- Bugun jangovor o'yinga guvoh bo'ldik. Dinamo jamoasi bizga jiddiy qarshilik ko'rsatdi deb ayta olaman. Umuman olganda, bugungi o'yinda omad biz tomonda bo'ldi deb o'ylayman. CHunki, o'yin boshida standartdan tezkor gol urgan bo'lsak, ikkinchi bo'lim boshida ham standart vaziyatini golga aylantirib, ishonchli g'alabaga erishdik. O'yin yakunigacha muxlislar tomoshabop o'yin ko'rishdi. Qiyin o'yin bo'ldi.

- Tezkor gol kutilmagan va o'ziga xos tarzda kiritildi. Ushbu standart vaziyati ustida mashg'ulotlarda ko'rsatma berilganmidi yoki tasodifiy gol?

- Avvalo, gol kiritilgan vaziyatda omad biz tomonda bo'ldi. Ikkinchidan esa, albatta, bunday vaziyatlar o'z-o'zidan bo'lmaydi, standart vaziyatlari ustida ish olib boriladi. Mashg'ulotlardagi ishlarimiz bugun o'z samarasini berdi.

- Dinamo o'tgan turda Buxorodan durang natija bilan qaytgan edi. Bu jamoa o'yinini qay daraja o'rgangan edingiz?

- Albatta, Dinamoni yaxshi o'rgangan edik. Dinamo bizgacha Qo'qon-1912, Paxtakor, Buxoro kabi peshqadamlar bilan 0:0 o'ynagandi. Biz o'sha o'yinlarni o'rganib, tayyorgarlik ko'rgandik.

- Ishonchli g'alaba qozonilgan bo'lsada, shogirdlaringiz o'yinidan qoniqmagandek bo'ldingiz…?

- Futbol o'zi shunaqa o'yin sport turi, har doim ham barchasidan qoniqmaysiz. Asosiysi g'alabaga erishdik. Faqat o'yinimizdagi ayrim jihatlarimizni yanada kuchaytirishimiz kerak.

- Tezkor gollar o'yin taqdirini hal etdi. Bu sizning qo'l ostingizdagi Bunyodkorning eng oson g'alabasi bo'ldi, degan fikrga qo'shilasizmi?

- Yo'q, aslo bunday fikr noto'g'ri. Biz bu uchrashuvga haftalab tayyorgarlik ko'rgan edik. Omad tufayli tezkor gollar vazifamizni nisbatan osonlashtirgan bo'lsada, bugungi g'alabaga erishish uchun ko'p kuch ishlatdik. Umid qilamanki, yigitlarimiz keyingi o'yinlarda yanada yaxshiroq to'p sura olishadi.