Abdurahmon Fozilov: “Ketish vaqti keldi...”

Bundan 10 yil avval Saudiya Arabistoni terma jamoasiga qarshi muhim o'yindan oldin Rauf Inileev boshchiligidagi O'zbekiston terma jamoasini fan-klub tashkil qilib chiroyli qo'llab quvvatlab bera olasizlarmi deb meni O'FFga chaqirishgandi. 10 kun tayyorgarlik ko'rib 300 kvadrat metrli ulkan bayroq tayyorlangan va fan-klub tuzilgandi.

O'sha kuni milliy terma jamoamiz kuchli raqib ustidan 3:0 hisobida g'alaba qozongandi. MHSK stadioniga 10.000dan ortiq muxlis ko'chada qolib ketgani hamon yodimda...

O'sha kundan beri mana 10 yil davomida xoh uyda bo'lsin xoh xorijda Siz azizlar bilan elkama-elka turib bir-tanu bir jon bo'lib milliy terma jamoalarimizni qo'llab-quvvatladik.

Ayniqsa 2015 yil fevral oyida Toshkentda o'tgan futzal bo'yicha Osiyo chempionati...

Qorli kunlaru, jazirama issiqda, yomg'iru sovuqda Vatanimizning birinchi raqamli jamoasining haqiqiy 12-o'yinchisi bo'ldik, fan-klub o'z yo'liga, o'yin davomida sizlarni oldingizga borganimda va barchamiz bir bo'lib g'alaba sari otlanganlarimiz va siz azizlarni qo'llab-quvvatlaganingiz uchun barchangizga bosh egib minnatdorchilik bildiraman. Ha, biz g'oliblik gashtini ham surdik, mag'lubiyat alamini ham totib ko'rdik.

Nima bo'lganida ham Vatanimiz bitta va milliy termamiz ham xuddi yuragimiz kabi bitta!

Rosti terma jamoamizning oxirgi o'yinlari dilni judayam og'ritdi, ishoning futbolchilarimiz borini berishdi, chunki hech qaysi bir futbolchi yarim kuchda o'ynayman deb maydonga tushmaydi!

Xatoni boshqa joydan izlashimiz darkor.

O'zbekiston futbol federaciyasining yangi rahbariyati eng shimarib ishni qizg'in boshlab yuborishgan. 2016 yil Umid Ahmadjonov rahbarligidagi paraolimpiya terma jamoamizning 31 nafar azosi bilan paralimpiadada 32ta medal olinganidek, futbol bo'yicha barcha terma jamolarimiz ham yaqin vaqt ichida maqsadlariga erishadi deb umid qilaman.

Yana bir bor Siz azizlarga shu davr mobaynida bir tan bir jon bo'lib terma jamoalarimizni qo'llab-quvvatlaganingiz uchun chuqur minnatdorchilik bildiraman.
Lekin Janubiy Koreyaga qarshi o'yinda sezdimki men charchabman… shu yillar davomida kuchimni boricha harakat qildim, bilaman sizlarning har biringiz har qanday fan-klubdan qolishmadingiz! CHunki har biringiz shu aziz Vatan uchun joningizni berishga tayyorsiz!

Men o'z ixtiyorim bilan terma jamoalar muxlislar klubi rahbarligidan ketish istagini bildiraman. CHunki yoshlarga yo'l ochish har birimizni burchimizdir.
Masalan, “Paxtakor” fan-klubida Javohirbek, “Andijon”da Nodirbek, “Qizilqum”da SHuhratjon, “Qo'qon”da Ilhomjon va Qahramonjon kabi muxlislar etakchilari bor... sanasak sanog'iga etmaymiz, ularni barchasi terma jamoa fan-klubi rahbarligiga loyiq.

Ammo terma jamoadan ketganim bilan bo'ldi endi ishbilarmonligimni qilib yuraveraman va futbolga befarqman degani emas. Men oxirgi nafasimgacha tish tirnog'im bilan yurt shanini himoya qilaman, alloh bergan umrimni bir qismi oilam bo'lsa, boshqa qismi futbol va albatta Vatanim bayrog'ini yanada baland ko'tarishga bag'ishlayman. Axir bejizga 2016 yil 24 avgust kuni O'zbekiston Respublikasi Birinchi Prezidenti Islom Abdug'anievich Karimov menga O'zbekistonda xizmat ko'rsatgan yoshlar murabbiyi unvonini berishmagan. Men bu ishonchni albatta oqlashim kerak!

Baxt va omad siz va bizni aslo tark etmasin, Olg'a O'zbekiston

Barchangizga sihat salomatlik tilab Abdurahmon Fozilov.