Usmon Toshev 52 yoshda!
/ Kiritdi: BestMaster O'qilgan: 732
Bugun “Andijon” klubi bosh murabbiyi Usmon Qudratovich Toshev o'zining qutlug' 52 yoshini qarshi olmoqda.
Ikki kun oldin jamoa sardori Ibroxim Otaxonov o'z tug'ilgan kunini nishonlagandi. Bu safar esa navbat bosh murabbiyga keldi va jamoada ayni paytda mana shunday xursandchilik kayfiyati hukm surmoqda.
SHu munosabat bilan FIFA va OFK instruktori, qolaversa, andijonliklar ustozi sifatida faoliyat ko'rsatib kelayotgan Usmon Toshevni bugungi tavallud ayyomi bilan qizg'in muborakbod etamiz.
Usmon Qudratovichga sog'lik-salomatlik, uzoq umr, oilaviy baxt-saodat tilaymiz. Murabbiy Andijonga jamoani oliy ligaga olib chiqish uchun kelgan va shu yo'lda unga omad va muvaffaqiyat tilab qolamiz.
“Andijon” futbolchilari esa ertaga “Yozyovon-Lochinlari” bilan bo'ladigan uchrashuvda g'alaba qozonib murabbining tug'ilgan kuniga o'ziga xos bayram ulashishni maqsad qilishgan.
"Andijon" matbuot xizmati
Bosh sahifaga
418