Lukaku "Manchester Yunayted"ga g'alaba keltirdi + FOTO

Uchrashuvni shu erda matnli tarzda kuzatib borishingiz mumkin.


YANGILASH


APL, 6-tur
23.09.2017
"Sautgempton" - "Manchester Yunayted" 0:1

Gol: R.Lukaku 20

"Sautgempton": Freyzer Forster, Sedrik Soaresh (Jeyms Uord-Prous, 83), Xudt, Maya Yoshida, Rayyan Bertrand, Lemina, Oreol Romeu, Dushan Tadich, Devis (Manolo Gabbiadini, 73), Natan Redmond, SHeyn Long (CHarli Ostin, 83).

"Manchester Yunayted": David De Xea, Antonio Valensiya, Erik Bayi, Fil Jons, Eshli Yang, Nemanya Matich, Maruan Fellayni, Xuan Mata (Ander Errera, 63), Genrix Mxitaryan (Kris Smolling, 75), Markus Reshford (Deyli Blind, 90+3), Romelu Lukaku.

Ogohlantirishlar: SH.Long 38 - E.Yang 43, A.Valensiya 70, R.Lukaku 82, A.Errera 88

Uchrashuv yakunlandi, MYU mavsumdagi beshinchi g'alabasini qo'lga kiritdi.

90+4 - Bosh hakam Joze Mourinoni tribunaga ravona qildi.

89 - Fil Jons jarohat olib maydonda yotibdi.

79 - Avvaliga Reshford, keyin Lukakuning super pasidan keyin Errera juda qulay vaziyatda noaniq zarba berdi.

78 - Zarbaaa, Romeuning urinishi va to'p darvoza ustuni yonginasidan dumalab o'tib ketdi.

73 - De Xea qanotdan havolatib uzatilgan to'pni basketbol uslubida ushlab oldi.

"Manchester Yunayted" logotipini badaniga tushirgan muxlis.

67 - Zarbaaa, Romeuning zarbasidan keyin deyarli darvozaga ketayotgan to'pni Fellayni boshi bilan qaytarib qoldi.

66 - Zarbaaa, Forster jamoasini goldan qutqarib qoldi.

63 - Xuan Mata o'rniga Ander Errera tushdi.

60 - Redmondning chap qanotdan uzatgan to'pini Long boshi bilan darvozaga noaniq yo'lladi.

56 - Redmondning chap qanotdan bergan kuchli va aniq zarbasini De Xea ushlab oldi.

55 - MYU futbolchilari raqibga bir nechta hujum uyushtirishga imkon berishdi.

51 - Tadich xavfli vaziyatga chiqib borgan edi, Jons to'pni burchakka chiqarib yubordi. Burchak zarbasidan keyin esa Romeu noaniq zarba berdi.

Ikkinchi bo'lim boshlandi.

Birinchi bo'lim yakunlandi.

44 - MYU futbolchilari tezkor qarshi hujumga o'tishlari mumkin edi, hal qiluvchi pallada aniqlik etishmadi.

43 - Tadichga nisbatan ishlatilgan qo'pollik uchun Eshli Yang ogohlantirildi.

38 - SHeyn Long Fellaynining oyog'iga tepgani uchun ogohlantirildi.

32 - To'p bilan muomala qilish: 45 - 55 %

Lukaku hisobni ochgan vaziyat.

27 - Zarbaaa, Reshfordning jarimadan bergan zarbasiga biroz aniqlik etishmadi, to'p darvoza ustuni yonginasidan o'tib ketdi.

20 - Gooooollll, Lukakuuu. Romelu o'yinda hisobni ochdi. Eshli Yangning chap qanotdan uzatgan to'pini hujumchi avvaliga boshi bilan raqib darvozasiga yo'lladi, to'pni Forster qaytardi, qaytgan to'pni esa Lukakuning o'zi golga aylantirdi. Belgiyalik hujumchi o'zining Premer-ligadagi 91-golini kiritdi.

Mxitaryan to'p bilan ketayotgan Tadichni taqib etmoqda.

10 - Redmondning kuchli zarbasiga aniqlik etishmadi.

8 - O'yindagi birinchi burchak zarbasini ham MYU futbolchilari amalga oshirishdi, samarasiz.

5 - O'yindagi birinchi aniq zarbani Mxitaryan chap oyog'ida berdi, Forster joyida.

- Uchrashuvga start berildi.

- Jamoalar maydonda, hamma bosh hakam Kreyg Pousonning xushtagini kutmoqda.

Muxlislar o'yindan 1 soat oldin.