Yosh qalamkashlar diqqatiga! Sevimli jamoaingiz haqida maqola yozishni istaysizmi?

Buning uchun "Championat.asia" sayti Sizga qulay imkoniyatni taqdim etadi. Aytaylik, siz viloyatda istiqomat qilasiz va siz yashab turgan hududda futbol jamoasi bor. (Ammo u erdagi futbol matbuotda ko'p yoritilmaydi). Siz o'sha jamoaga muxlislik qilasiz, shu jamoa haqida odamlar ko'proq narsa bilishini xohlaysiz. Bu oliy liga, birinchi liga, balki ikkinchi liga jamoasi bo'lishi mumkin. 

Agar sizda futbol jurnalistikasiga qiziqish bo'lsa-yu, yozganlarimni qaerda chiqarsam bo'lar ekan deb o'ylab yurgan bo'lsangiz, biz siz uchun imkoniyat eshigini ochishga tayyormiz. Biz doim aytib kelganmiz, saytimiz eshigi hamma uchun birdek ochiq. Biz sizning qalamingizga mansub futbolga oid voqea, xabar va boshqa mavzular saytimizda chiqishini xohlaymiz. 

Faqat buning uchun sizdan talab qilinadigani shu - asosan o'zingiz istiqomat qilayotgan hudud futbolini yoritish. Agar futbol jurnalistikasiga qiziqish tufayli men ham nimadir yozishni xohlayman deb o'ylasangiz, marhamat, ijod mahsulingizni bizga jo'nating. Biz qalamkashlar uchun "Men ham yozishni xohlayman" imkoniyatini tashkil qilib beramiz. 

SHuni unutmang, yozadiganlaringiz faqat o'zingiz yashab turgan hudud futboliga oid bo'lishi kerak. Yani, biz O'zbekiston terma jamoasi, bosh murabbiyi, O'FF yoki PFL haqidagi maqolalarni qabul qilmaymiz. Faqat o'zingiz ichidan kuzatib yurgan hudud futboliga oid materiallarnigina ko'rib chiqib saytda berib borishga harakat qilamiz.

Evropa futbolini sevadigan o'quvchilarimiz uchun ham imkoniyat bor. O'z sevimli jamoaingiz haqida maqola yoza olsangiz uni ham bizga yuboring. Tahririyatga maqul kelgan maqolalar albatta saytda chop etiladi.

O'zingiz yozgan futbolga oid maqolalarni quyidagi elektron pochtasi yoki telegram manziliga yuborishingiz mumkin.

[email protected]

https://t.me/CA_admin

Aytgancha, maqolani yozib bo'lgach, ism-sharifingiz, yoshingiz, qaerda istiqomat qilishingiz hamda telefon raqamingizni yozib yuborishni unutmang. (Agar maqolaga oid fotosuratlar bo'lsa yanada yaxshi). 

Tahririyat.