Muxlislar klubining muxlislarga murojaati!
/ Kiritdi: BestMaster O'qilgan: 1626
Bugungi o'yinda terma jamoamiz muxlislarning ko'magiga muhtoj. Bugun biz guruhdagi o'zimizga tegishli o'rinni qaytarib olishimiz kerak.
Bugun stadionga iloji boricha ko'proq vatanimiz bayroqlari bilan kelinglar, stadionga yog'och ushlagichli bayroqlar bilan kirish mumkin emas, lekin oq plastik ushlagichchi bayroqlarga ruxsat bor.
Bayroq hajmi 1x2 metr, plastik ushlagichi esa 120 santimetrga ruxsat bor. O'yindan 15 daqiqa oldin stadion suhandoni milliy terma jamoamiz futbolchilarini tanishtirish jarayonida ham kichik yangilik kiritilgan, stadionga tashrif buyurgan muxlislardan iltimos qilamiz: Suhandon har bir futbolchini ism va familiasini aytganidan so'ng barchamiz birgalikda O'zbekiston deb olqishlaymiz!
Raqib jamoa futbolchilari tanishtirilganda esa o'zbekona madaniyatni saqlagan holda qarsak chalib turishingini iltimos qilamiz!
To'g'ri, sir emas hozirda stadion kassalarida faqatgina darvoza orti va yon taraflaridagi sektorlarga joy qolgan xolos, lekin o'yinga oz fursat qolganida o'sha vijdonini pulga sotganlar chiptalarni o'z narhida xattoki arzonroqqa ham sota boshlashadi, aziz vatandoshlar barchangizni “Paxtakor” Markaziy stadioniga taklif etamiz. Barchamiz bir tanu bir jon bo'lib milliy terma jamoamizni qo'llab-quvvatlaylik, osmoni musaffo tinch yurtimiz O'zbekiston omad senga yor bo'lsin!
Olg'a O'zbekiston!
Abdurahmon Fozilov
Bosh sahifaga
112