Ravshan Ermatov Avstraliya – Suriya o'rtasidagi javob uchrashuvini boshqaradi

2017-09-26 08:50:01 / Kiritdi: BestMaster O'qilgan: 1149

Xalqaro futbol federaciyasi (FIFA) Osiyo mintaqasidan JCH–2018 turniriga saralashning pley-off bosqichi javob o'yini – Avstraliya va Suriya o'rtasidagi bellashuvga rasmiylarni tayinladi.

Unga ko'ra, o'zbekistonlik FIFA referisi Ravshan Ermatov bosh hakam bo'lib ishlaydi.

Tajribali hakamga qanotlarda Abduhamidillo Rasulov va Jahongir Saidov yordam beradi. To'rtinchi referi vazifasi Ilgiz Tantashevga yuklatildi. Birlashgan Arab Amirliklari vakili Ali Muhammad Bujsaim hakamlar ishiga baho beradi. Komissar – Salmon Muhammad Nashman (Saudiya Arabistoni).

Avstraliya – Suriya javob o'yini 10 oktyabr kuni Sidney shahridagi Australia Stadium maydonida bo'lib o'tadi. O'yin mahalliy vaqt bilan 20:00 da start oladi. Jamoalar o'rtasidagi dastlabki bellashuv esa 5 oktyabr kuniga belgilangan.

Teglar: ravshan, ermatov, avstraliya, suriya, ortasidagi, javob, uchrashuvini, boshqaradi,
← Oldinga Orqaga →