Tolibjonov futboldan malum muddatga chetlatildi

Unda Oliy Liga 22-turi doirasidagi “SHo'rtan” (G'uzor) – “Navbahor” (Namangan) uchrashuvini boshqarib, yakunda ishi nazoratchi Alisher Abdullaev tomonidan qoniqarsiz (4,0) ballga baholangan Olim Tolibjonovning hakamligi yuzasidan yakuniy qaror qabul qilindi.  

Olim Tolibjonovning “SHo'rtan” – “Navbahor” (3:3) o'yinidagi hakamligi federaciyaning hakamlar va nazoratchilar ilmiy-uslubiy taminoti bo'limi tomonidan ko'rib chiqildi. Bo'lim boshlig'i Arslon Xatamov bosh hakam Olim Tolibjonovning  ishini “qoniqarsiz” deb baholadi. SHu asosda, Hakamlar va nazoratchilar qo'mitasi “Hakamlarning tartib-intizom kodeksi”ga binoan Olim Tolibjonovni O'zbekiston CHempionati, Birinchiligi va O'zbekiston Kubogi o'yinlari doirasidagi 10 ta o'yinga chetlatdi. Bundan tashqari, uning xizmat haqi 75 foizga kamaytirildi.

SHu bilan bir vaqtda, “SHo'rtan” – “Navbahor” bellashuvidagi referi yordamchisi Aleksandr Burovning bahosini ko'tarib qo'yganligi uchun nazoratchi hakam Alisher Abdullaev qo'mita qaroriga ko'ra O'zbekiston CHempionati, Birinchiligi va O'zbekiston Kubogi uchrashuvlari doirasidagi 4 ta o'yindan chetlatildi. Abdullaevning xizmat haqi 75 foizga kamaytirildi.

Eslatib o'tamiz, Oliy Liga 21-turi doirasidagi “Buxoro” – “Dinamo” uchrashuvini boshqargan Rustam Bobomurodov qo'pol xatolarga yo'l qo'ygani tufayli umrbod hakamlikdan chetlatilgan edi.