Igor SHkvirin: "Ochiq futbol namoyish etganimizda, ko'proq gol o'tkazib yuborishimiz mumkin edi"

Ushbu o'yindan so'ng “So'g'diyona” bosh murabbiyi Igor SHkvirin matbuot anjumaniga qatnashdi va o'yin borasida o'z fikrlarini bildirdi.

-“Nasaf” jamoasini ximoyada va xujumda ham tartibli o'yin namoyish eta oladigan kuchli jamoalardan biri deb hisoblayman. Ularni haqli g'alabasi bilan tabriklayman. Toki biz o'yinda kurashishni va g'alaba uchun jon berishni o'rganmagunimizcha hech nimaga erisholmaymiz. Jamoamiz futbolchilari “toza to'p” uchun o'ynayapti. Futbolda bunaqasi bo'lmaydi. Fubolchilar bilan gaplashamiz ularni o'ziga bo'lgan ishonchini oshirishga harakat qilamiz.

Nima uchun hujumkor ftbol ko'rmadik? Menimcha unday emas. Ha, birinchi bo'limda xujumlarimiz soni kam bo'ldi. Ikkinchi bo'limda esa  xujumkor futbol namoyish etdik va vaziyatlarga ega bo'ldik. Ikkinchidan yana bir fakt, tajribasi va o'yin uslubi bizdan kuchliroq bo'lgan jamoa bilan ochiq futbol namoyish etib bo'lmaydi. Agar ochiq futbol namoyish etganimizda, bundanda ko'proq gol o'tkazib yuborishimiz mumkin edi.