Bugun futbol. “Nasaf” – “Qizilqum”
/ Kiritdi: BestMaster O'qilgan: 702
Bugun Qarshi shahridagi “Markaziy” stadionda katta futbol. “Nasaf” oliy liga 23-tur uchrashuvini o'z maydonida Navoiy shahrining “Qizilqum” jamoasiga qarshi o'tkazadi.
Uchrashuv bugun 30 sentyabr shanba kuni “Markaziy” stadionda soat 18:00da boshlanadi.
O'zPFL 23-tur
“Nasaf” (Qarshi) – “Qizilqum” (Navoiy)
30.09.2017. “Markaziy” stadioni. 18:00da
Bosh hakam: SHerzod Qosimov (Toshkent)
Qanot hakamlari: Alisher Usmonov (Toshkent), Timur Gaynulin (Toshkent),
Zaxira hakami: Dmitriy Klepikov (Toshkent)
Nazoratchi: Xushvaqt Muxtorov (Samarqand).
O'zPFL vakili: Roman CHernikov.
UCHRASHUV PREVYUSI
“Nasaf” – “Qizilqum” shu paytgacha 35 marta kuch sinashgan. Ushbu bahslarning 20 tasida jamoamizning qo'li baland kelgan bo'lsa, 6 uchrashuvda navoiylik futbolchilar g'alaba qozonishgan. 9 uchrashuvda tomonlar durangga imzo chekishgan.
To'plar nisbati bo'yicha ham “Nasaf” ustunlik qilmoqda: 66-38.
Jamoalar Qarshida jami 16 marta o'zaro bahslashgan. Ularning 13tasida jamoamiz g'alaba qozongan, bir uchrashuvda “Qizilqum” jamoasi kichik 1:0 hisobida g'alabaga erishgan. Bu uchrashuv 2008 yili bo'lib o'tgan. Qolgan 2 uchrashuvda murosa ko'chasi tanlangan. Qarshidagi uchrashuvlarda jami darvozalarga 57 marta gol kiritilgan. Gollar nisbati bo'yicha ham ustunlik “Nasaf” tomonida: 43-14.
Bo'lajak uchrashuv jamoalarning Qarshidagi 17-uchrashuvi sifatida tarixga kiradi.
Ushbu jamoalarning birinchi davradagi Navoiyda bo'lib o'tgan uchrashuvi jangovor 1:1 durang natija bilan nihoyasiga etgan. Uchrashuvdagi har ikkala gol penaltidan kiritilgan edi.
Barcha futbol ishqibozlarini “Markaziy” stadionga taklif etib qolamiz.
Bosh sahifaga
430