Bu qiziq. "Lokomotiv" 50-golini urgan bir paytda "Obod" 52-golini o'tkazdi

TTYMI stadionida kechgan bahsda kutilganidek "Lokomotiv" g'alabaga erishdi. Qiziq jihati, o'yinning 81-daqiqasida Sanjar SHoahmedov jamoasining uchinchi goliga mualliflik qildi va bu gol "Loko" uchun bu yilgi chempionatda 50-gol bo'ldi. 

Ketma-ket o'yinlarda yutqazishga o'rganib qolgan "Obod" esa shu uchrashuvda 52-to'pini o'tkazib yubordi. Bu jamoa o'tgan yil o'z darvozasidan 51ta gol olib chiqqandi. Bu yil mavsum tugashiga ettita tur qolayotgan bir paytda 52ta gol o'tkazib yuborish "Obod" uchun ko'p albatta. 

"Lokomotiv"ga kelsak, "temiryo'lchilar" bu yil ham chempionlik sari kurash olib borishmoqda. Jamoa o'tgan yil milliy chempionatda 77ta gol urishning uddasidan chiqqandi. Qiziq, "Lokomotiv" qolgan ettita o'yinda yana 27ta gol urib bu borada o'tgan yilgi ko'rsatkichini takrorlay olarmikan.