Bugun qaysi jamoalar JCH-2018ga chiqishi mumkin?
/ Kiritdi: BestMaster O'qilgan: 1364
Bugun Evropa va Janubiy Amerika qitasida 2018 yilgi Jahon chempionati uchun saralash bahslari davom ettiriladi.
Ayni paytga qadar Rossiyada o'tadigan mundialda ishtirok etuvchi 8ta jamoaning nomi malum: Rossiya (mezbon), Braziliya, Eron, Yaponiya, Meksika, Belgiya, Janubiy Koreya va Saudiya Arabistoni.
Bugun tunda Evropada va Janubiy Amerika qitasida o'tadigan saralash bahslaridan so'ng yana 5ta jamoa yuqoridagi ro'yxatdan joy olishi mumkin.
Germaniya
Yoaxim Lev shogirdlari bugun safarda SHimoliy Irlandiyani mag'lub etsa muddatdan avval yo'llanmaga ega chiqadi.
C guruhi
Ozarbayjon - CHexiya 21:00 (barcha soatlar Toshkent vaqti bilan)
SHimoliy Irlandiya - germaniya 23:45
San Marino - Norvegiya 23:45
Angliya
Inglizlar ham bugun JCH ishtirokchilari safiga qo'shilishlari mumkin. Buning uchun ular o'z maydonida Sloveniyani taslim qilishlari lozim. Garet Sautgeyt jamoasini durang ham qoniqtirishi mumkin, faqat bu holatda parallel kechadigan SHotlandiya - Slovakiya uchrashuvida mehmonlar g'alaba qozonmasliklari lozim bo'ladi.
F guruhi
Angliya – Sloveniya. 23:45
SHotlandiya – Slovakiya. 23:45
malta - Litva. 23:45
Polsha
E guruhida Polsha ishonch bilan peshqadamlik qilmoqda. Bugun safarda Armanistonni mag'lub etilsa va CHernogoriya hamda Daniya o'rtasidagi bahsda g'olib aniqlanmasa Levandovski va uning sheriklari Rossiyaga yo'llanmani qo'lga kiritishadi.
E guruhi
Armaniston – Polsha. 21:00
CHernogoriya – Daniya. 23:45
Ruminiya - Qozog'iston. 23:45
Urugvay
Janubiy Amerika qitasidagi saralashida juda chigal vaziyat yuzaga kelgan. Braziliya mundialga chiqib bo'lgan. Urugvay bugun safarda Venesuelani taslim qilsa keyingi yozda Rossiyaga boradi. Durang ham Luis Suares jamoasiga etarli bo'lishi mumkin, ammo bu holatda jamoaning taqdiri boshqa o'yinlarga bog'liq bo'lib qoladi.
Kolumbiya
Kolumbiyaliklar ham bugun yo'llanmaga ega chiqishlari mumkin. Buning uchun o'zlari Paragvayni mag'lub etishlari va boshqa o'yinlardagi natijalarni kutishlari talab etiladi.
01:00 Boliviya - Braziliya
02:00 Venesuela - Urugvay
04:30 Kolumbiya - Paragvay
04:30 CHili - Ekvador
04:30 Argentina - Peru
Bosh sahifaga
173