"Metallurg": Omon qolganing rost bo'lsin, Davron!
/ Kiritdi: BestMaster O'qilgan: 860
“Metallurg” futbolchilari "Qo'qon-1912" jamoasi bilan bo'ladigan navbatdagi tur uchrashuviga Toshkent viloyatining CHirchiq shahrida tayyorgarlik ko'rishyapti.
Xalqimizda falokat oyoq ostida deb bejiz aytishmagan. Mamlakat milliy chempionati turlari oralig'ida FIFA kunlari munosabati bilan tanaffus uzoq bo'lganligi bois “Metallurg” futbolchilariga dam odatdagidan ko'proq – 4 kun berilgandi. O'zbekchilik, bir daqiqa ortiqcha vaqt bo'lsa uni ham oila foydasiga sarflasam, degan maqsadda ro'zg'or tashvishlariga urinib ketishimiz bor gap.
23-turni diskvalifikaciya bois o'tkazib yuborgan Davron Karimqulov ham farzandlarning qiynalib qolmasligi uchun hovli ishlarini engillashtirishga kirishib ketdi. Bog'ni tartibga keltirish, ayniqsa elektr simlari qadar bo'y cho'zgan archalarni butash, fasadni chiroyli qilish harakatiga tushdi. Kutilmaganda balandlikdan, narvonning siljib ketishi oqibatida hovlini o'rab turgan temir panjaralar ustiga yiqilib tushdi. Ollohimning marhamati, baxtli tasoddif hamda shifokorlarning sayi harakatlari tufayli buyragini jiddiy shikastlab, ko'p qon yo'qotgan Davron omon qoldi.
Toshkentdagi Jukovskiy tez yordam shifoxonasida davolanayotgan Davron Karimqulovning tezroq sog'ayib ketishini Ollohimdan so'raymiz. Mamlakatimiz futboli rivojiga, “Metallurg” futbol klubi taraqqiyotiga katta hissa qo'shgan bu tabiatan kamtarin, samimiy insonning hali hayotda qiladigan ishlari ko'p. Farzandlar tarbiyasi, yaxshi kunlar orzusi... Eng asosiysi shu, mehribon otajoning, aka-uka, opa-singil, yor-birodarlar baxtiga, oila, farzandlar baxtiga omon qolganing rost bo'lsin, deymiz.
Davronni yaqindan biladigan, taniydigan do'stlarimizdan yolg'iz o'tinchimiz, duo qiling, Davron tezroq shifo topsin, oyoqqa turib, farzandlari bag'riga qaytsin, oilasiga bosh-qosh bo'lsin! Ko'rgan-kechirganlari shu bo'lsin, bu yog'iga xonadonini xursandchilik tark etmasin.
23-turni diskvalifikaciya bois o'tkazib yuborgan Davron Karimqulov ham farzandlarning qiynalib qolmasligi uchun hovli ishlarini engillashtirishga kirishib ketdi. Bog'ni tartibga keltirish, ayniqsa elektr simlari qadar bo'y cho'zgan archalarni butash, fasadni chiroyli qilish harakatiga tushdi. Kutilmaganda balandlikdan, narvonning siljib ketishi oqibatida hovlini o'rab turgan temir panjaralar ustiga yiqilib tushdi. Ollohimning marhamati, baxtli tasoddif hamda shifokorlarning sayi harakatlari tufayli buyragini jiddiy shikastlab, ko'p qon yo'qotgan Davron omon qoldi.
Toshkentdagi Jukovskiy tez yordam shifoxonasida davolanayotgan Davron Karimqulovning tezroq sog'ayib ketishini Ollohimdan so'raymiz. Mamlakatimiz futboli rivojiga, “Metallurg” futbol klubi taraqqiyotiga katta hissa qo'shgan bu tabiatan kamtarin, samimiy insonning hali hayotda qiladigan ishlari ko'p. Farzandlar tarbiyasi, yaxshi kunlar orzusi... Eng asosiysi shu, mehribon otajoning, aka-uka, opa-singil, yor-birodarlar baxtiga, oila, farzandlar baxtiga omon qolganing rost bo'lsin, deymiz.
Davronni yaqindan biladigan, taniydigan do'stlarimizdan yolg'iz o'tinchimiz, duo qiling, Davron tezroq shifo topsin, oyoqqa turib, farzandlari bag'riga qaytsin, oilasiga bosh-qosh bo'lsin! Ko'rgan-kechirganlari shu bo'lsin, bu yog'iga xonadonini xursandchilik tark etmasin.
Bosh sahifaga
253