Ro'ziqul Berdiev: "Lokomotiv" bugun 5 nafar himoyachi bilan o'ynadi"

- Guvohi bo'ldilaringiz o'yin bizning ustunligimizda o'tdi. Faqat maqsadimizga erishish uchun bitta gol etishmadi. Yigitlar finalga chiqishni juda ham istashgan edi va bugun borini berib o'ynashdi. Natija biz uchun qoniqarsiz bo'lsada, futbolchilarimiz o'yinidan qoniqish hosil qildim.

Bugun etarlicha vaziyatlarni yarata oldik. Faqat shu birinchi bo'limdagi vaziyatlarda gol kirita olganimizda, o'yin boshqacha bo'lishi ham mumkin edi.

O'zbekiston kubogi g'olibligi ham OCHLga to'g'ridan-to'g'ri bo'lmasada, saralash o'yinlarida ishtirok etishi huquqini berar edi. SHu bois, ham futbolchilar borini berib o'ynashdi. Lekin biz bilamiz, chempionatda ikkinchi o'rinni qo'lga kiritgan jamoada ham shunday imkoniyat bo'ladi. Endi shundan foydalanishga harakat qilamiz.

“Lokomotiv” bugun 5 ta himoyachi bilan o'ynadi. SHu bois, biz o'z taktikamizni o'yin boshidan o'zgartirdik, yani 4-4-2 taktik sxemasiga o'tdik. CHunki 5ta himoyachi bilan o'ynaydigan jamoaga 2 ta hujumchi tushurmasak, imkoniyatlar bo'lmaydi. Yigitlarga raqibga nisbatan ko'proq bosim o'tkazishga ko'rsatma berdik. Albatta, bunday paytda  futbolchilar uchun ko'proq yugurish talab etiladi va o'z-o'zidan bu orqali ularda jismoniy toliqish ham bo'ladi. SHuning uchun ikkinchi bo'lim oxirlarida biroz o'yinimiz sustlashdi.