Nazorat uchrashuvi. "Qo'qon-1912" va "Qizilqum" o'zaro durang o'ynashdi

Bugungi bahsda Nosir Otaqo'ziev, Bahodir Akramov  hamda Akmal Xolmurodovlar turli sabablarga ko'ra jamoamizga yordam bera olishmadi.

Uchrashuvni vakillarimiz faol tarzda boshlashdi. Ilk daqiqalardanoq futbolchilarimiz hujumga tashlanishdi. Buning natijasida 4-daqiqada jarima to'pi tepish huquqiga ega bo'ldik. Murod Holmuhammedovning jarimadan yo'llagan zarbasi biroz yuqoridan ketdi.

12-daqiqada maydonda to'qnashuv yuzaga keldi. Uning natijasida jamoamiz etakchisi Javohir Sidiqov jarohat olib maydonni tark etdi. 15-daqiqada ajoyib hujum tashkil etdik. Navoiyliklar to'pni qiyinchilik bilan maydon tashqarisiga chiqarib yuborishdi. 17-daqiqada hisob ochildi.  Muhammadanas Hasanov jarima maydonchasi ichida kuchli zarbasi bilan to'pni darvozaga aniq yo'lladi – 0:1.

22-daqiqada ketma-ket burchak zarbalaridan so'ng Oybek Rustamov va Filip Rayevaclarning zarbalari xavfli bo'ldi. Ayniqsa, Rustamovning zarbasini darvozabon qiyinchilik bilan bartaraf etdi.

27-daqiqada Filip Rayevac-Doniyor Hasanov-Muhammadanas Hasanov-Oybek Rustamov kombinaciyasi chiroyli bo'ldi. So'nggi pallada Oybek Rustamov zarbada adashdi. 32-daqiqada futbolchilarimizda hisobni oshirish uchun yaxshi imkoniyat vujudga kelgandi. Aleksandr Merzlyakov birga-bir vaziyatdan oqilona foydalana olmadi. Ushbu vaziyatda “Qizilqum” darvozaboni mahorat ko'rsatdi.

Birinchi bo'limning oxirgi daqiqalarida navoiyliklar qo'polik ishlatishdi. Buning natijasida Suhrob Berdievga  maydon tashqarisida yordam ko'rsatildi.

Bu orada Xolmuhammedovning jarimadan tepgan zarbasidan so'ng barcha gol deb o'yladi. Aslida to'p darvoza to'riga tashqari tomondan tekkan ekan. Uchrashuvning birinchi qismi shu hisobda o'z poyoniga etdi.

Ikkinchi bo'limda jamoamiz safida bir qator o'zgarishlar yuz berdi. Uchrashuvning ikkinchi qismini navoiyliklar faol tarzda boshlashdi. 63-daqiqada “Qizilqum” futbolchilari hisobni tenglashtirishlari mumkin edi. Raqiblarimiz bergan zarbasi darvoza ustuniga tegdi.

67-daqiqada navoiyliklar hisobni tenglashtirishdi. Otabek Zokirovning zarbasi futbolchimizga tegib rikoshet holatida darvozamizga borib tushdi – 1:1. Bu holatda raqib hujumchisi Ribkinni itarib yuborgan edi. Lekin hakam golni hisobga oldi.

Bugungi bahsni chempionatdagi bo'lajak raqibimiz Paxtakor bosh murabbiyi SHota Arveladze ham kuzatib borganini takidlash joiz.

Uchrashuv yakunlanishi arafsida yana futbolchilarimiz tashabbusga ega bo'lishdi. Raqib darvozasi olida bir qator vaziyatlarni vujudga keltirishdi. Ana shunday hujumlarning birida Merzlyakovning uzoqdan yo'llagan zarbasi yuqoridan ketdi. So'nggi daqiqada esa Andrey Sidorov deyarli birga bir vaziyatda noaniq zarba yo'lladi.

O'yin yakuniga qadar hisob o'zgarmay qoldi. Natijada jamoamiz “Qizilqum”ga qarshi kechgan navbatdagi o'rtoqlik o'yinida ham durang qayd etdi.

 


Nazorat uchrashuvi

“Qizilqum” – “Qo'qon-1912” – 1:1 (0:1)

Bosh hakam: SHerzod Qosimov

Gollar: Otabek Zokirov – 67. – Muhammadanas Hasanov – 17.

Qizilqum: 1. Erkin Jabborov (22.  Artyom Makosin-63), 3. SHukurali Po'latov, 4. Erkin Boydullaev, 9. Otabek Zokirov, 14. Fayzulla Qambarov, 18. Samandar SHodmonov, 20. G'ayrat Jumaev (8. Akmal Rustamov-64), 23. SHerali Jo'raev, 27. Ilhom Yunusov, 77. Bekzod G'anijonov (, 96. Begzod Mirzamurotov – 69), 92. Akram Bahriddinov.

Zaxira: 2. Viktor Grigorev, 6. Nodirxon Kamolov, 89. Otabek Isroilov.

“Qo'qon-1912”: 12. Aziz Ashurov (13. Nikita Ribkin-46), 6. Doniyor Hasanov (28. Avaz Mamatxo'jaev-46), 7. Jamshid Hasanov (4. Xushnud Avilov-46), 8. Quvondiq Ro'ziev (75. Jalil Kimsanov-68), 10. Javohir Sidiqov (15. Oybek Rustamov-12), 19. Suhrob Berdiev (11. Andrey Sidorov-46), 22. Murod Holmuhammedov, 23.Aleksandr Merzlyakov, 25. Filip Rayevac (70. Doston Meliqo'ziev-83), 31. Darko Gojkovich, 33. Muhammadanas Hasanov (29. Iqbol Malikjonov – 83).