Ikkita jamoa JCH-2018ga chiqishi mumkin

Ayni paytga qadar Rossiyada o'tadigan mundialda ishtirok etuvchi 13ta jamoaning nomi malum: Rossiya (mezbon), Braziliya, Eron, Yaponiya, Meksika, Belgiya, Janubiy Koreya, Saudiya Arabistoni, Germaniya, Angliya, Ispaniya, Nigeriya va Kosta-Rika.

Bugun tunda Evropa va Afrika qitasida o'tadigan saralash bahslaridan so'ng yana 2ta jamoa yuqoridagi ro'yxatdan joy olishi mumkin.

Polsha yoki Daniya

Polyaklar guruhda Daniyadan 3 ochko oldinda bormoqda. Adam Navalka shogirdlari bugun o'z uyida CHernogoriya bilan kamida durang o'ynashsa mundialga yo'l olishadi. Agar Daniya Ruminiyani yuta olmasa xatto mag'lubiyat ham Polshaga yo'llanmani taqdim etadi.

Daniya guruhda birinchi bo'lishi uchun quyidagi holatlar sodir bo'lishi kerak: O'zi Ruminiyani mag'lub etishi va Polsha CHernogoriyaga yutqazishi.

Barcha soatlar Toshkent vaqti bilan berilgan:

Evropa. "E" guruhi
Daniya – Ruminiya. 21.00
Qozog'iston – Armaniston. 21.00
Polsha – CHernogoriya. 21.00




Misr

Kecha Uganda terma jamoasi Gana bilan o'yinda ochko yo'qotgani tufayli Misr bugun barcha masalani ijobiy hal qilishi mumkin. Bugun Muhammad Salah sheriklari o'z maydonlarida Kongoni mag'lub etishsa keyingi yil Rossiyaga borishadi.

Afrika. "E" guruhi
Misr – Kongo. 22.00