Yupp Xaynkes "Bavariya" bosh murabbiyi sifatidagi ilk matbuot anjumanida nimalar dedi?

"Bavariya"dan minnatdorman. Bu klub mening murabbiylik faoliyatim uchun tramplin vazifasini bajargan. Aynan shu narsa sabab qaytishga qaror qildim. Qiyin vaziyatga qaramay, ishonchim komilki, jamoa yaqin orada o'zini ko'rsata oladi.

Birinchi navbatda, men tahlil qilib chiqishim kerak. So'nggi 10 yil ichida jamoa ajoyib natijalar ko'rsatdi. O'yin Lam, SHvaynshtayger, Boateng, Noyer, Riberi, Robben, Myuller va Alonso kabi futbolchilar atrofida qurildi. Bizning futbolchilar haqiqiy professionallardir. Men yana kuchli jamoa yaratishim kerak. Jamoa yaxshi natijalar ko'rsatishni boshlashi lozim.

Biz o'z oldimizga katta maqsadlar qo'yishimiz kerak. Ayni paytdagi asosiy va dastlabki vazifamiz - boshqacha o'yin ko'rsatib, g'alabalar qozonish.

Bu qarorga kelish oson bo'lgani yo'q. Men shahsiy hayotda juda faolman. Lekin, ayolim va qizim meni qo'llab-quvvatladilar va buni uddalay olishimni aytishdi. Jismoniy va ruxiy tomonlama men tayyorman.

Men jamoadagi vaziyatni yumshatmoqchiman. Futbolchilar yana o'z ritmlariga tushib olishlari kerak. Yigitlar o'z kuchlariga yana ishona boshlashlari juda muhim.

Jamoada saviya va salohiyat bor. Men buni yuzaga chiqarishim kerak", - deydi Yupp Xaynkes.