O'zbekiston milliy terma jamoasi Yamanga qarshi o'yinga tayyorgarlikni boshladi

13 noyabr kuni jamoa Toshkentdagi “Jar” stadionida mashg'ulot o'tkazdi. Mashg'lotlar ikki guruhga bo'lingan holda olib borildi. Guruhlardan biri - 12 noyabr kuni KXDRga qarshi o'yinda maydonga tushgan futbolchilardan iborat bo'lib, ular engil, tinklanish mashqlarini bajarishdi. Ikkinchi guruhda esa saralashning 7-turida maydonga tushmagan jamoa azolari asosan jismoniy tayyorgarlik mashqlarini bajarishdi.

Takidlash kerakki, Jahon chempionati-2018 ikkinchi saralash bosqichi 8-turi doirasida O'zbekiston milliy terma jamoasiga raqib bo'ladigan Yaman terma jamoasining avvalgi o'yinlari murabbiylar shtabi tomonidan sinchkovlik bilan o'rganib chiqilmoqda. Raqibni yanada yaxshiroq o'rganish maqsadida terma jamoa texnik direktori Deyan Jurjevich Yamanning Filippinga qarshi o'yinini Manilada, stadiondan bevosita kuzatib bordi. Ayni paytda u Toshkentga qaytib kelgan va jamoa bilan birga.

O'zbekiston milliy terma jamoasining Yamanga qarshi o'yini 17 noyabr kuni, 20:30 boshlanadi. O'yin Qatar poytaxti Dohada bo'lib o'tadi. O'zbekiston milliy terma jamoasi Dohaga charter reys bilan yakshanba kuni yo'l oladi.