"Barselona"da yana bir istefo

Solerning klubdan ketishiga charchoq va haddan tashqari ko'p ishlash sabab bo'lgan. Bu haqida Albert Solerning o'zi malum qildi. Kataloniya klubi prezidenti Xosep Mariya Bartomeu Solerni o'z ishidan ozod qilishga rozi bo'ldi.

Klubning sport loyihalariga javob bergan Solerning so'zlariga ko'ra, u ispan grandi uchun oson kechmagan yozgi transfer oynasida ko'p mashaqqat chekkan. Neymarning PSJga o'tishini esga olishning o'zi etarli.

Soler "Barselona"da faqatgina futbol loyihalarini amalga oshirishga javob bermasdi. Basketbol, xokkey, futzal va bazi boshqa sport turlari ham uning vazifalariga kirardi. Basketbolga bog'liq loyihalar ham undan katta kuch talab qilardi.

Endi klubdagi futbol loyihalariga bosh menejer Pep Segura javob beradi.

Eslatib o'tamiz, oldinroq, Barselonada 15 yil ishlagan direktor klubdan ketgan edi.