Yupp Xaynkes futbol yaqinda paydo bo'lib qolmagani haqida gapirdi

Yupp Xaynkes "Bavariya" klubining yutubdagi rasmiy kanaliga intervyu berdi.

"Oxirgi yillarda menga evropaning bir qator grand jamoalaridan takliflar kelgandi. Ammo men futbolga qaytishni istamadim. "Bavariya"ga qaytganim bu "kambek" emas, shunchaki vaqtincha ularga ko'magim kerak bo'ldi. "Bavariya" bo'lgani uchun qaytishga qaror qildim. Ajoyib mavsumdan keyin nafaqaga chiqqanimda, bir kun kelib jamoaga qaytishim haqida tasavvur ham qilmagandim. 

Men bilan birgalikda murabbiylar shtabidagi jamoam ham klubga qaytishi men uchun muhim edi va bu sodir bo'ldi. Bilaman, meni muvaffaqiyat qozonishimga shubha qiladiganlar ham topiladi. Lekin futbol yaqinda paydo bo'lib qolgani yo'q. Futbolda bazi narsalarga aqlim etadi. Nafaqaga chiqqanimdan keyin ham futbolni kuzatdim.

Jamoadagi hozirgi vaziyatni chuqur tahlil qilib chiqishim kerak. Qiyin vaziyatga qaramay "Bavariya" o'zining haqiqiy yuzini ko'rsatadi. Qanday jamoani tuzmoqchiman? Men har bir kishi barcha uchun ishlashi va klub muvaffaqiyatini o'ylaydigan jamoani tuzmoqchiman.

Anchelotti? Karlo haqiqiy jentelmen va ajoyib murabbiy. Istefo esa istalgan murabbiy bilan sodir bo'ladigan vaziyat", - deydi Yupp Xaynkes.