APLdagi eng katta derbi tarixidan kichik qiziqarli voqea

Unda "Liverpul" jamoasi "Manchester Yunayted"ni qabul qiladi. Hozir esa ana shu derbi tarixiga oid bir qiziqarli voqeani yodga olamiz.

MYU tarixida "Klass-92" juda mashxur hisoblanadi. Bu avlod vakillari jamoada uzoq yillar davomida etakchi rolini bajarishgan. "Klass-92" vakillaridan hisoblangan Devid Bekxem va Gari Nevill birinchi marotaba "Enfild Roud"da maydonga tushganida qiyin, lekin biroz kulguli yo'lni bosib o'tishga majbur bo'lishgan. Bu haqda "qizil iblislar" afsonalaridan biri malum qildi.

"Old Trafford"dagi faoliyati davomida Premer-liga bosh sovrinini 4 bor qo'lga kiritgan Gari Pallister Bekxem va Nevillning "Enfild"dagi birinchi o'yinida yosh muxlislar qay tarzda ularning imzolarini yirtib tashlashganini yodga oldi.

Devid Bekxem gol urganini nishonlamoqda.

"Men eslaydigan eng kulguli voqealardan biri Beks va Nevill "Enfild"da birinchi marotaba o'ynaganida sodir bo'lgan. "Liverpul"ning ikki nafar yosh muxlisi ularning yoniga keldi. Taxminan, ularning yoshi 6 yoki 7da edi. Va bolakaylar ulardan imzo qo'yib berishlarini so'rashdi.

Nevill va Beks aynan ulardan imzo so'rashgani uchun mamnun bo'lishdi, keyin esa... bolakaylar ularning oldida imzo qo'yilgan qog'ozni yirtib tashlashdi", - deya esladi Gari Pallister.