CHililiklar Peru va Kolumbiya o'rtasidagi bahs natijasi borasida apellyaciya bermaydi

Bu haqda CHili futbol federaciyasi vice-prezidenti Andres Facio Molina malum qildi.

Oldinroq, Peru va Kolumbiya terma jamoalari o'yin davomida durangga kelishib olishgani elon qilingandi. Bu natija kolumbiyaliklarning to'g'ridan-to'g'ri JCH-2018ga chiqishini, peruliklarni esa pley-off uchrashuvlarida ishtirok etishini taminlar edi. CHili terma jamoasi bu natija tufayli JCH-2018 yo'llanmasidan quruq qoldi. Kolumbiya terma jamoasi bosh murabbiyi Xose Pekerman peruliklar bilan bahsda Radamel Falkaoga boshqa bahslardagi natijalarni aytib turgan. SHunday so'ng, Falkao raqib jamoa futbolchilari oldiga kelib, og'zini qo'li bilan yopib, uchrashuvni shu hisob bilan (1:1) yakunlash kerakligini aytadi.

Natijada Peru terma jamoasi sardori Xose Paolo Gerrero o'z jamoadoshlarini tinchlanishga va oldinga o'tmaslikka chaqiradi va o'yin 1:1 hisobida yakunlanadi.

"Bu mish-mish. Peru va Kolumbiyaga qarshi hech qanday apellyaciya bo'lmaydi. Endi bu chililiklar uchun yopilgan sahifadir" - deydi Molina.