O'zbekiston U-19 ayollar terma jamoasi Xitoydagi dastlabki mashg'ulotni o'tkazdi
/ Kiritdi: BestMaster O'qilgan: 703
O'zbekistonning 19 yoshgacha bo'lgan ayollar terma jamoasi futbol bo'yicha Osiyo chempionatida ishtirok etish uchun Xitoyning Nankin shahriga etib kelgani haqida avval xabar qilgandik.
Baxrom Norsafarov boshchiligidagi futbolchi qizlar Xitoydagi dastlabki mashg'ulotni o'tkazishdi.
Mashg'ulotni engil mashqlar bilan boshlagan terma jamoa azolari keyin to'p bilan ishlashga asosiy etiborni qaratishdi.
Futbolchi qizlar mashg'ulotini sinchkovlik bilan kuzatib borgan murabbiylar shtabi vakillari zarur hollarda ularga tegishli ko'rsatmalar berib turishdi. CHigalyozdi mashg'ulotlaridan so'ng navbat o'yindagi turli vaziyatlarni yuzaga keltirish va ushbu vaziyatlarda qanday harakatlanishni tahlil qilishga keldi.
O'zbekiston U-19 ayollar terma jamoasi bosh murabbiyi Bahrom Norsafarov taktik yo'nalish bo'yicha shogirdlariga muhim maslahatlar berdi va ularni amalga oshirishda xatoga yo'l qo'ymaslikni nazorat qilib turdi.
Qiziqarli va ko'tarinki kayfiyatda o'tgan mashg'ulot jarayoni deyarli ikki soatga yaqin davom etdi.
O'zbekiston U-19 ayollar terma jamoasi Osiyo chempionatidagi ilk uchrashuvini 15 oktyabr kuni Xitoy terma jamoasiga qarshi o'tkazadi.
Bosh sahifaga
1837