Ikki futbolchi bilan to'qnashib ketgan darvozabon vafot etdi (+VIDEO)
/ Kiritdi: BestMaster O'qilgan: 1671
Indoneziyaning "Persela Lamongan" jamoasi darvozaboni Xoyrol Xuda "Semen Padang"ga qarshi o'yinda ikki futbolchi bilan to'qnashib ketib hayotdan ko'z yumdi.
Bugun "Persela Lamongan" Indoneziya chempionati doirasida "Semen Padang"ni qabul qilib, 2:0 hisobida g'alaba qozondi.
Birinchi bo'limning oxirida mezbonlar jarima maydonchasi ichida Xuda jamoadoshi va raqib futbolchisi bilan to'qnashib ketdi. Darbozabon shundan so'ng hushini yo'qotib qo'ydi.
Jamoa shifokori unga birinchi yordamni ko'rsatdi va posbonni zambilda maydondan olib chiqib ketdilar. Afsuski, Xuda shifoxonaga etib bora olmadi va yo'lda jon berdi.
38 yoshli darvozabon "Persela Lamongan"da 1999 yildan beri o'ynab kelardi va jamoa muxlislari uchun afsona hisoblanardi.
Bosh sahifaga
467