Bahodir Ahmedov: Yigitlarning o'yinidan ko'nglim to'ldi
/ Kiritdi: BestMaster O'qilgan: 660
Futzal bo'yicha O'zbekiston terma jamoasi Osiyo chempionatiga saralash bosqichi 1-turida Nepal futzalchilariga qarshi bahs olib bordi va 14:1 hisobidagi yirik g'alabani qo'lga kiritdi.
Uchrashuvdan so'ng O'zbekiston futzal termasi bosh murabbiy Bahodir Ahmedov O'FF matbuot xizmatiga o'yin haqidagi fikrlarini bildirib o'tdi.
“Bugungi bellashuvda yigitlarning o'yinidan ko'nglim to'ldi. Nepal terma jamoasi biz kutgandek kuchli bo'lib chiqmadi. SHunga qaramay, kamchiliklar ham kuzatildi. Albatta, xatolar ustida ishlab, ularni bartaraf qilamiz. Oldimizda Turkmaniston va Qirg'izistonga qashri ikkita muhim uchrashuv turibdi. Umid qilamanki, tarkibda yo'qotishlarsiz barcha o'yinlarda muvaffaqiyatga erishamiz”, – dedi Bahodir Ahmedov.
Eslatib o'tamiz, O'zbekiston terma jamoasi ertaga, 16 oktyabr kuni Turkmanistonga qarshi, 17 oktyabr kuni esa Qirg'izistonga qarshi bahs olib boradi. Guruhda 1–2 o'rinlarni egallagan jamoalar Osiyo chempionati final yo'llanmasiga ega bo'ladi.
Bosh sahifaga
581