Ushbu turda Andijonning "Andijon" klubi Quvasoyning "Cementchi" jamoasini o'z uyida qabul qildi va yirik 0:4 hisobida imkoniyatni boy berdi. Uchrashuvdan so'ng mehmonlar ustozi Akbumalik Hakimov bahs haqida o'z fikrlarini bildirib o'tdi.
"Har bir uchrashuvda his hayajon baland bo'ladi. Kechagi bahsda asosiy raqibimiz bo'lgan "Andijon" jamoasini yirik hisobda mag'lub etdik. Xayajon kuchli bo'lgani bois bahs haqida bir nima deya olmayapman. Tayyorgarligimiz besamar ketmadi va muhim bo'lgan g'alabani qo'lga kiritdik.
"Andijon" jamoasining o'yinlarini ko'rib, ularning futbolchilarini o'rganib chiqqandik. Ushbu bahsda ishtirok etgan futbolchilar va bizni qo'llab-quvvatlab turgan muxlislarga katta rahmat aytaman. Keyingi ikki turni o'z uyimizda o'tkazamiz. Qolgan bahslarga jiddiy tayyorgarlik ko'ramiz va muxlislarimiz ko'z o'ngida g'alaba qozonib, oliy liga yo'llanmasini qo'lga kiritamiz", - deydi Abdumalik Hakimov.
Jahongir Sotvoldiev yozib oldi
Bosh sahifaga
198
