Toshkent vaqti bilan 15:30 da guruh etakchilari O'zbekiston va Qirg'iziston terma jamoalari bir-biriga qarshi ro'baro keladi. Ushbu o'yinda g'alaba qozongan jamoa guruh etakchisiga aylanadi. Agar durang qayd etilsa, Bahodir Ahmedov shogirdlari yaxshiroq to'plar nisbati evaziga guruhni 1-o'rin bilan tugatadi. So'nggi tur oldidan turnir jadvali quyidagi ko'rinishni olgan.
O'zbekiston termasi bugungi o'yinni ko'k formalarda o'tkazadi. Raqib Qirg'iziston esa oq liboslarda maydonga tushadi.
Qayd etish joiz, O'zbekiston va Qirg'iziston terma jamoalari kecha, 16 oktyabr kuni mos ravishda Turkmaniston (4:2) va Nepalni (5:0) mag'lubiyatga uchratib, muddatidan avval OCH yo'llanmasiga ega bo'ldi.
“A” guruhi 3-turining hech qanday ahamiyatiga ega bo'lmagan o'yinda Nepal va Turkmaniston o'zaro kuch sinashadi.
Markaziy va Janubiy Osiyo mintaqasi “B” guruhida ham OCH chiptasini qo'lga kiritgan jamoalar nomi malum bo'lib ulgurdi. Eron dastlabki o'yinda Afg'onistonni 8:2 hisobida mag'lub qilgan bo'lsa, Tojikiston termasi afg'onistonlik futzalchilarni qiyinchilik bilan 4:3 hisobida engdi. Demak, Eron va Tojikiston OCH yo'llanmasini naqd qildi va ular o'rtasida bo'lib o'tadigan bugungi o'yin natijasi hech qanday ahamiyat kasb etmaydi.
Futzal bo'yicha OCH saralashi
“A” guruhi, 3-tur
17 oktyabr, seshanba
15:30 O'ZBEKISTON – Qirg'iziston
18:00 Turkmaniston – Nepal
Malumot uchun, Futzal bo'yicha Osiyo chempionati 2018 yilning 6–18 fevral kunlari Xitoy Taypeyi mamlakatida bo'lib o'tadi. Qita birinchiligida jami 16 jamoa chempionlik uchun kurashadi.
Bosh sahifaga
1648