Toshkent vaqti bilan 21:00da boshlanadaigan bellashuvda Eronning "Persepolis" va Saudiya Arabistonining "Al Hilol" klublari o'zaro kurash olib borishadi. Malumki, BAAda kechgan birinchi o'yinda saudiyaliklar 4:0 hisobida zafar quchishgan.
"Persepolis" klubi bosh murabbiyi Branko Ivankovich o'yindan oldingi matbuot anjumanida shogirdlari yirik mag'lubiyat alamini olib finalga chiqa olishlari haqida aytib o'tdi:
"To'g'ri, biz dastlabki uchrashuvda 0:4 hisobida yutqazib qo'ydik, ammo bundan vahima qilish kerak emas. CHunki men shogirdlarimga ishonaman va javob bahsida biz ham yirik hisobda g'alaba qozona olamiz".
"Men o'z vaqtida Saudiyaning "Al Ittifoq" klubida ishlaganman va aytishim mumkin, "Al Hilol"ni juda yaxshi bilaman. SHubhasiz, "Al Hilol" Osiyoning eng kuchli klublaridan biri va biz ham yarim finalda bo'lib turganimizdan mamnunmiz".
"Agar finalga yo'llanmani qo'lga kirita olsak, Osiyo chempionlar ligasida g'olib chiqishimizga to'liq ishonaman. SHuni aytishim kerak, "Al Hilol" hali hech kimga 0:5 hisobida yutqazib qo'ymagan, lekin bu ham bizni orzu qilishdan to'xtata olmaydi".
Bosh sahifaga
217
