Ayni damda turnir jadvalida Quvasoyning “Cementchi” jamoasi karvonboshilik qilmoqda. Kuni kecha birinchi liganing 32-turidan o'rin olgan uchrashuvida “Cementchi” safarda “Andijon” mehmoni bo'ldi. Ushbu bahsda quvasoyliklar raqiblarini 0:4 hisobida mag'lubiyatga uchratishdi. Bunday g'alabadan so'ng “Cementchi”ning oliy ligaga chiqishi deyarli oydinlashib qoldi. “Andijon” esa o'z vazifasini yanada qiyinlashtirdi.
“Cementchi” safardagi muvaffaqiyatidan so'ng ikkinchi o'rindagi “burgutlar”dan 11 ochkoga o'zib ketdi. Quvasoyliklar shu kunga qadar birinchi liga bahslarida 30ta uchrashuv o'tkazishdi. SHulardan 23tasini o'z foydasiga xal qilgan bo'lsa, 4ta durang va 3 marotaba mag'lubiyat alamini totib ko'rishgan. Keyingi turda “Cementchi” o'z uyida Qarshining “Nasaf” jamoasini qabul qiladi. Ushbu bahsda quvasoyliklar “ajdarlar”ni taslim eta olsa oliy liga yo'llanmasini muddatidan oldin qo'lga kiritadi.
Jahongir Sotvoldiev
Bosh sahifaga
138