OFK maslahatchi Navoiyga tashrif buyurdi

2017-10-18 10:30:02 / Kiritdi: BestMaster O'qilgan: 667

Xabaringiz bor, bir necha kunlardan buyon qitamizning bosh futbol tashkiloti OFK va O'FF mutaxasislari Oliy ligada ishtirok etayotgan jamoalarning stadionlarida bo'lib, u erda yaratilgan infratuzilma va sharoitlar bilan yaqindan tanishib chiqishmoqda.

Kecha Osiyo Futbol Konfederaciyasining strategik rejalashtirish, marketing va infratuzilma masalalari bo'yicha yo'riqchisi Elnur Mamedov va O'FF marketing boshqarmasi boshlig'i Baxtiyor Mametov hamrohligida Navoiy shahriga tashrif buyurdi.

Mehmonlar “Qizilqum” jamoasining uy uchrashuvlari o'tkaziladigan Yoshlar sport majmuasida bo'lishdi. Tashrif davomida mehmonlar stadionda futbolchilar, muxlislar uchun yaratilgan sharoitlar bilan yaqindan tanishishdi. Elnur Mamedov futbol maydoni chimini kuzata turib, unning holatiga yuqori baho berdi. O'zining bu boradagi tajribalari bilan o'rtoqlashdi.

SHundan so'ng klubning marketing, matbuot xizmati va boshqa bo'lim xodimlari ishtirokida davra suhbati o'tkazildi. Samimiy va do'stona ruhda o'tgan suhbat chog'ida, OFK va O'FF vakillari kelgusida klubning marketing ishlarini yanada rivojlantirish borasida kerakli maslahat va tavsiyalarini berishdi.

Teglar: maslahatchi, navoiyga, tashrif, buyurdi,
← Oldinga Orqaga →