Qayd etish joizki, ushbu ikki jamoa hozirga qadar milliy chempionatimiz doirasida 25 marta o'zaro to'qnash kelishgan. Uchrashuvlarning 14tasida “temiryo'lchilar”, 7tasida navoiyliklar zafar quchishgan. Yana 4ta bahs durang natija bilan o'z nihoyasiga etgan.
“Lokomotiv” futbolchilari hozirgacha “Qizilqum” darvozabonlarini 36 marta hafa qilishgan. O'z darvozamizdan esa 18ta gol o'tkazib yuborganmiz.
Diqqatga sazovor jihati shundan iboratki, “Lokomotiv” so'nggi bor 2013 yilgi mavsumda “Qizilqum”ga mag'lub bo'lgan. SHundan buyon o'tkazilgan barcha bellashuvlarda “temiryo'lchilar” raqibdan ustun ekanliklarini namoyish etib kelishmoqda.
“Lokomotiv”ning ushbu raqib ustidan qozongan eng yirik hisobdagi g'alabasi 2004 yilda qo'lga kiritilgan bo'lib, o'shanda “Loko” “Qizilqum”ni 5:0 hisobida taslim etgan. “Temiryo'lchilar”ning ushbu raqibga uchragan eng yirik mag'lubiyati esa 2005 yilda qayd etilgan bo'lib, “Loko” o'z maydonida navoiyliklarga 1:3 hisobida imkoniyatni boy berib qo'ygan.
Bosh sahifaga
106