Ayni kunlarda Osiyo chempionati saralash bahslariga tayyorgarlik ko'rish uchun Qatarda o'quv-mashg'ulot yig'inini o'tkazayotgan O'zbekiston yoshlar terma jamoasi bugun mezbon – Qatar U-19 terma jamoasiga qarshi o'rtoqlik uchrashuvida maydonga tushdi. Gollarga boy uchrashuvda Aleksandr Mochinov bosh murabbiyligidagi terma jamoa 4:2 hisobida g'alaba qozondi. Terma jamoa bosh murabbiyi ushbu o'rtoqlik uchrashuvi orqali, Tojikistonda bo'lib o'tadigan Osiyo CHempionati saralash bahslari oldidan terma jamoaga chaqirilgan futbolchilarni yana bir bor sinovdan o'tkazdi.
Malumot uchun, shu yilning 30 oktyabr – 8 noyabr kunlari U-19 Osiyo chempionatiga saralash bosqichi o'yinlari o'tkaziladi. “B” guruhidan o'rin olgan O'zbekiston yoshlar terma jamoasi OCH yo'llanmasi uchun mezbon Tojikiston, SHri-Lanka, Bangladesh va Maldiv orollariga qarshi maydonga tushadi.
O'rtoqlik uchrashuvi.
Doxa, Qatar.
Qatar U-19 – O'zbekiston U-19 – 2:4
Gollar: S. Izzatov (20), N. Kuybokov (54), I. Kenjaboev (80), S. Zokirov (90+6)
O'zbekiston U-19: Umid Ergashev, Jasur Rahimov, Dilshod Saidov, Suhrob Izzatov, Rasul Yo'ldoshev, Islom Kenjaboev, Ibrohim Yo'ldoshev, Jahongir Abdusalomov, Sanjar Zokirov, Abubakir Muydinov, Hasan Yo'ldoshev
Bosh sahifaga
205