Qolgan 4ta uchrashuvda jamoamiz raqiblardan yana 2 ochko olsa, "Cementchi" oliy liga yo'llanmasini muddatidan oldin qo'lga kiritadi. Bu vazifani esa futbolchilarimiz navbatdagi turning o'zidayoq xal qilish maqsadida. Bu galgi raqibimiz Qarshining “Nasaf-2” jamoasidir.
Andijonga qarshi uchrashuvdan so'ng, jamoamiz azolariga ikki kunlik dam olish imkoniyati berildi. Kuni kecha yana o'z qarorgohida yig'ildi va navbatdagi bahsga tayorgarlikni boshlashdi.
Jamoamiz mashg'ulot o'tash uchun yig'ilib turgan vaqtda, stadionga O'zbekiston milliy teleradiokampaniyasi vakillari kirib kelishdi. Mehmonlar mashg'ulot davomida jamoamiz azolarini tasvirga olishib, ular haqida maxsus ko'rsatuv tayorlash maqsadida tashrif buyurishganligini bildirishdi.
"Cementchi" navbatdagi uchrashuvni 21 oktyabr shanba kuni markaziy “Cementchi” o'yingohida Qarshining “Nasaf-2” jamoasiga qarshi o'tkazadi. Uchrashuv soat 15:00 da boshlanadi.
"Cementchi" matbuot xizmati
Bosh sahifaga
319