O'FF prezidenti Umid Ahmadjonov tashabbusi bilan tashkilotda "O'FF bolalar, o'smirlar va ommaviy futbol boshqarmasi" yangidan tuzildi. Bolalar sportida faoliyat olib borayotgan Mamur Saidqosimov mazkur boshqarmaga rahbar etib tayinlandi. Ayni paytda boshqarma tomonidan viloyat futbol federaciyalariga 2018 yilda barcha viloyatlarda U-10, U-14, U-16, U-18 terma jamoalarini shakllantirish haqida ko'rsatma yuborilgan. Unga ko'ra, endi har bir viloyatda barcha yosh toifasidagi terma jamoalar shakllantiriladi. Natijada O'FF barcha yoshdagi terma jamoalar futbolchilarini ko'p yillar davomida kuzatib borish imkoniga ega bo'ladi.
SHuningdek, viloyat futbol federaciyalari endi hududiy ligalarni yo'lga qo'ygan holda oliy liga va birinchi liga jamoalarining futbol maktabi tarbiyalanuvchilari uchun musobaqani yo'lga qo'yishlari lozim bo'ladi. OFK talabiga ko'ra, 18 yoshdagi Respublika chempionati 5ta hududda, 14 va 16 yoshli futbolchilar 7ta hududga bo'lingan holda o'zaro bahs olib boradilar. 10 yoshli futbolchilar esa shahar festivallarida qatnashib turishlari kifoya. Endi oliy va birinchi ligadagi har bir jamoaning bolalar futbolida o'z tarbiyalanuvchilari bo'lishi shart sifatida belgilab qo'yiladi.
Rejaga ko'ra, har bir viloyatning 10-18 yoshli futbolchilaridan iborat terma jamoalari shakllanadi. Bu esa o'smirlar terma jamoasining bosh murabbiyi saralangan futbolchilar ichidan, yaxshilarni elaklab olish imkonini beradi.
19 yoshdan oshgan aksariyat futbolchilar uchun endi yoshlar ligasiga keng yo'l ochiladi. SHuningdek, birinchilardan bo'lib Toshkent shahrida 2018 yildan etiboran U-17 va U-19 chempionatlari start olad. SHu kungacha bolalar chempionatidan ikkinchi liga o'rtasidagi tafovut paydo bo'lgani uchun ko'plab istedod egalari o'z faoliyatlarini erta yakunlab borayotgan edilar. SHuningdek, O'FFning maxsus dasturi asosida yoshni kichraytirishga qarshi jiddiy kurash olib boriladi.
Bosh sahifaga
84