"O'ylashimcha, qiziqarli futbol ko'rdik. Muxlislar chiroyli muhit hosil qilishdi va bunday holatda o'ynash yoqimli. Maydon yaxshi o'ynashimizga mushkullik tug'dirdi. Yigitlar bugun juda yaxshi harakat qilishdi. Ikkita gol urdik, yana bir golimiz inobatga olinmadi. Ahmedov, Azamov va Griffits jarohat sababli maydonga tushmadi. Hoshimovda ham engil shikast borligi uchun Buxoroga kelmadi.
Mezbonlar to'pni uzoq masofaga etkazib berib, keskin hujumlar uyushtirishga intilishdi. Biz buni kutgandik va shunga yarasha himoyada bexato o'ynashga urindik. Oldinda bizni qiyin va finalga teng o'yinlar kutmoqda. To'rt bellashuv ahamiyati juda muhim. Har bir holat barchasini o'zgartirib yuborishi mumkin. Jamoa kurashishga o'rganmoqda. Bazi o'yinlar shunga majbur qiladi. Imkon qadar barchasiga tayyor turish lozim.
Penalti bo'lgan vaziyat mendan taxminan 70-80 metr uzoqda edi. Biron narsa deya olmayman. Masalan o'tgan turda toza golimizni hisobga olishmadi. Namanganda yutqazdik, ammo hakamlarga rahmat dedim. Toshkentdagi o'yilarimizga 3000 odam keladi, ularning ovozi ham eshitilmaydi. "Buxoro"ni yanada kuchliroq qo'llab quvvatlashingiz lozim, sizlarda yaxshi jamoa bor, - deydi SHota Arveladze.
Bosh sahifaga
189