Turning markaziy uchrashuvi Buxoro shahrida kechib, bunda "Paxtakor" "Buxoro"ni 2:0 hisobida mag'lubiyatga uchratdi. O'yinda Igor Sergeev va Tiago Bezerra tomonidan kiritilgan gollar mehmonlarga navbatdagi uch ochkoni taqdim etdi.
Etiborlisi, mana shu bellashuvda ishlagan hakamlarga nazoratchi tomonidan yana past baho qo'yildi. Ushbu bahs "Sport" telekanali orqali to'g'ridan-to'g'ri efirga uzatildi va o'yinni ko'rgan muxlislar shu bilan birga hakamlarni ham kuzatishdi. Hakamlarning ayniqsa 33-daqiqada "Buxoro" darvozasi tomon penalti belgilashi hamon ko'plab tortishuvlarga sabab bo'lmoqda.
Bu o'yinni saytimiz xodimi SHahboz Beg'amov ham bevosita stadionda turib kuzatib bordi va tez orada o'yin tafsilotlari, bahs davomida va undan keyin nima voqealar yuz bergani to'g'risida maqola o'qishingiz mumkin bo'ladi.
Oliy liga, 25-tur. 21 oktyabr
“Buxoro” (Buxoro) – “Paxtakor” (Toshkent) - 0:2. 18138 tomoshabin.
Hakamlar: SH. Qosimov (Toshkent) - 7,0, T. Galeev (Toshkent) - 6,0, A. Po'latov (Toshkent) - 7,5, I. Ibragimov (Nukus) - 8.
Nazoratchi: R. Serazetdinov (Toshkent).
PFL vakili: SH. Rajabov.
Gollar: Igor Sergeev (34, penalti), Tiago Bezerra (90+1)
Bosh sahifaga
103