Qizig'i shundaki, "Paxtakor" Namanganda 0:2 hisobida mag'lub bo'lgach, keyingi ikkita bellashuvni 2:0 hisobida o'z foydasiga hal etdi. SHota Arveladze jamoasi avvaliga Toshkentda "Qo'qon-1912"ni Toshkentda va o'tgan turda "Buxoro"ni Buxoroda 2:0 hisobida mag'lub etdi.
"Navbahor"da esa aksincha, jamoa o'z maydonida "Paxtakor" ustidan 2:0 hisobida g'alaba qozongach, keyingi ikkita bahsni bir xil 0:2 hisobida boy berdi. Ilhom Mo'minjonov shogirdlari dastlab Toshkentda "Lokomotiv"ga, keyin esa Qo'qonda "Qo'qon-1912"ga yutqazib qo'yishdi.
Navbatdagi turni ikkala jamoa ham o'z maydonida o'tkazadi. "Paxtakor" Toshkentda "Bunyodkor"ga qarshi bahs olib borsa, "Navbahor" Namanganda "Buxoro"ni qabul qiladi.
Bosh sahifaga
243