“Bugun yaxshi o'yin guvohiga aylandik. O'zbekiston yoshlar termasi – juda kuchli jamoa. O'yinchilarimning maydondagi xatti-harakatidan qoniqish hosil qildim. Ko'plab vaziyatlar bo'ldi, ammo ulardan unumli foydalana olmadik. Aytish kerakki, yigitlarim oxirigacha kurashdi va bundan mamnunman. BAA yoshlar termasi bilan ishlayotganimga atigi 4 oy bo'ldi. Jamoaning 7–8 nafar futbolchisi harbiy hizmatga chaqirilgani uchun muammolarga duch keldik va jamoani deyarli boshidan tuzdik. Umid qilamanki, yangidan tuzilayotgan jamoa muvaffaqiyatlarga erisha oladi.
Osiyo chempionati saralashidagi raqiblar – Bahrayn, Qirg'iziston, Ummon ancha xavfli. 31 oktyabr kuni Ummonga qarshi bo'lib o'tadigan dastlabki o'yin og'ir kechadi. Maqsadimiz – guruhda birinchi o'rinni qo'lga kiritib, Osiyo chempionatiga yo'l olish. Bugungi o'yindagi hakamlik borasida etirozlar yo'q. Futbolchilarimiz gol ura olmasa, ayb hakamda bo'lmaydi. Ikki kundan keyin yana bir o'yin bor va unda g'alaba qozonishga harakat qilamiz”, – dedi serbiyalik mutaxassis.
Malumot uchun, Lyubinko Drulovich Serbiya U-19 termasi, Serbiya va Makedoniya milliy terma jamoalarida, shuningdek, Belgradning “Partizan” klubida faoliyat yuritgan.
Bosh sahifaga
361